തുല്യത സമ്പർക്ക പഠനം; പഠിതാക്കൾ പങ്കെടുക്കണം

കോഴിക്കോട്: സംസ്ഥാന സാക്ഷരത മിഷൻ നടത്തുന്ന പത്താം തരം തുല്യത പതിനെട്ടാം ബാച്ചിന്റെയും ഹയർ സെക്കന്ററി തുല്യത ഒൻപതാം ബാച്ചിന്റെയും സമ്പർക്ക പഠന ക്ലാസ്സുകൾ ജില്ലയിൽ തുടങ്ങി. ഞായറാഴ്ചയും പൊതുഅവധി ദിവസങ്ങളിലുമാണ് ക്ലാസ്സുകൾ നടക്കുന്നത്. പത്താം തരത്തിന് ജില്ലയിലെ വിവിധ ഭാഗങ്ങളിലായി 10 സമ്പർക്ക പഠനകേന്ദ്രങ്ങളും ഹയർ സെക്കന്റി തുല്യതയ്ക്ക് 12 പഠനകേന്ദ്രങ്ങളുമാണ് പ്രവർത്തിക്കുന്നത്.നിരന്തര മുല്യനിർണയം ഉൾപ്പടെയുളളതിനാൽ കോഴ്സിന് രജിസ്റ്റർ ചെയ്ത മുഴുവൻ പഠിതാക്കളും അവർക്ക് അനുവദിച്ച സമ്പർക്ക പഠനകേന്ദ്രങ്ങളിൽ റിപ്പോർട്ട് ചെയ്യണമെന്ന് സാക്ഷരത മിഷൻ ജില്ലാ കോ- ഓർഡിനേറ്റർ അറിയിച്ചു. പഠിതാക്കൾക്ക് തദ്ദേശ സ്വയംഭരണ സ്ഥാപനങ്ങളിൽ പ്രവർത്തിക്കുന്ന പ്രേരക്മാരിൽ നിന്നും ക്ലാസ്സിൽ പങ്കെടുക്കേണ്ട സമ്പർക്ക പഠനകേന്ദ്രങ്ങൾ അറിയാൻ കഴിയും. കൂടുതൽ വിവരങ്ങൾക്ക് 9446630185 നമ്പറിൽ ബന്ധപ്പെടാം.