കോഴിക്കോട്: തദ്ദേശ സ്ഥാപനതലങ്ങളിൽ പരിഹരിക്കപ്പെടാത്ത പരാതികളിൽ തീർപ്പുകൽപ്പിക്കുന്നതിനായി തദ്ദേശസ്വയംഭരണ, എക്സൈസ് മന്ത്രി എം ബി രാജേഷിന്റെ നേതൃത്വത്തില് നടക്കുന്ന കോഴിക്കോട് ജില്ലാതല അദാലത്ത് നാളെ (സെപ്റ്റംബര് 6). രാവിലെ 9.30നു കോഴിക്കോട് മുഹമ്മദ് അബ്ദുറഹ്മാന് സാഹിബ് മെമ്മോറിയല് ജൂബിലിഹാളിൽ (കണ്ടംകുളം ജൂബിലി ഹാള്) നടക്കുന്ന അദാലത്ത് മന്ത്രി എം ബി രാജേഷ് ഉദ്ഘാടനം ചെയ്യും. അഹമ്മദ് ദേവർ കോവിൽ എംഎൽഎ അധ്യക്ഷനാകും. മന്ത്രിമാരായ പി എ മുഹമ്മദ് റിയാസ്, എ കെ ശശീന്ദ്രൻ, മേയർ ഡോ. ബീന ഫിലിപ്പ്, എംപിമാർ, എം എൽ എമാർ, മറ്റ് ജനപ്രതിനിധികൾ തുടങ്ങിയവർ പങ്കെടുക്കും.
അദാലത്തില് പരിഗണിക്കുന്നതിനായി ഇതിനകം ഓണ്ലൈന് വഴി 1059 പരാതികളാണ് ലഭിച്ചത്. ഇതിനു പുറമെ അദാലത്ത് വേദിയിലും അപേക്ഷകള് നല്കാൻ സൗകര്യമുണ്ടായിരിക്കും. പരാതികള് സ്വീകരിക്കുന്നതിനായി ആറ് പ്രത്യേക കൗണ്ടറുകള് ഇവിടെ സജ്ജീകരിച്ചിട്ടുണ്ട്. തദ്ദേശ സ്ഥാപന തലത്തില് നേരിട്ട് അപേക്ഷിച്ചിട്ടും പരിഹാരമാവാത്ത അപേക്ഷകള് മാത്രമാണ് അദാലത്തില് പരിഗണിക്കുക.
അദാലത്തുകളില് പങ്കെടുക്കാന് എത്തുന്നവരുടെ വാഹനങ്ങള്ക്ക് സാമൂതിരി ഹയര് സെക്കൻഡറി സ്കൂള് ഗ്രൗണ്ടിലാണ് പാര്ക്കിംഗ് സൗകര്യം ഒരുക്കിയിരിക്കുന്നത്.
Related Posts
കുടിവെള്ള വിതരണം മുടങ്ങും
കോഴിക്കോട്: മലാപ്പറമ്പ് ഫ്ളോറിക്കന് റോഡില് പൈപ്പ് ലൈന് പൊട്ടിയതിനാല് മാര്ച്ച് 6, 7, 8 തീയതികളില് എരഞ്ഞിപ്പാലം നടക്കാവ് കൃഷ്ണന് നായര് റോഡ്, വെള്ളയില്, തിരുത്തിയാട്, കാരപറമ്പ്,…
ജല്ജീവന് മിഷന്: പൈപ്പിടല് കാലവര്ഷത്തിനുമുമ്പ് പൂര്ത്തിയാക്കാന് നിര്ദേശം
കോഴിക്കോട്: ജില്ലയില് ജല്ജീവന് മിഷന് പദ്ധതിയുടെ ഭാഗമായ പൈപ്പിടല് പ്രവൃത്തി കാലവര്ഷത്തിനുമുമ്പ് പൂര്ത്തിയാക്കാന് ജില്ല) വികസന സമിതി യോഗത്തില് നിര്ദേശം. സച്ചിന്ദേവ് എംഎല്എയാണ് ഈ ആവശ്യം ഉന്നയിച്ചത്.…
ഗതാഗതം താല്ക്കാലികമായി നിരോധിച്ചു
കോഴിക്കോട്: എകരൂല്- കക്കയം ഡാം റോഡില് കക്കയം ടൗണ് മുതല് ഡാം വരെയുള്ള ഭാഗങ്ങളില് അതിശക്തമായ മഴയെ തുടര്ന്ന് വലിയ കല്ലുകളും മണ്ണും റോഡിലേക്ക് പതിക്കുന്നത് പതിവായതിനാല്…