തുറന്നത് സീല് ചെയ്യാത്ത മുറി*
ഇവിഎമ്മുകളും പോസ്റ്റല് ബാലറ്റുകളും സൂക്ഷിച്ച സ്ട്രോംഗ് റൂം തുറന്നിട്ടില്ല
കോഴിക്കോട്: നിയമസഭാ തെരഞ്ഞെടുപ്പുമായി ബന്ധപ്പെട്ട് പേരാമ്പ്ര മണ്ഡലത്തിലെ വരണാധികാരിയുടെ രേഖകള് സൂക്ഷിച്ചിരിക്കുന്ന ജെഡിടി ഇസ്ലാം ഹയര് സെക്കന്ററി സ്കൂളിലെ മെറ്റീരിയല് റൂം, സ്ഥാനാര്ഥികളുടെ ഏജന്റുമാരുടെ സാന്നിധ്യത്തിലാണ് ഏപ്രില് 20ന് രാവിലെ 11.15ന് തുറന്നതെന്നും അത് സീല് ചെയ്ത മുറിയായിരുന്നില്ലെന്നും ജില്ലാ തെരഞ്ഞെടുപ്പ് ഓഫീസറായ ജില്ലാ കലക്ടര് അറിയിച്ചു.
വോട്ടെടുപ്പിനു ശേഷം പേരാമ്പ്ര മണ്ഡലത്തിലെ ഇവിഎമ്മുകളും വിവിപാറ്റുകളും അതോടൊപ്പം വരണാധികാരി സൂക്ഷിക്കേണ്ട പ്രിസൈഡിംഗ് ഓഫീസര് ഡയരി ഉള്പ്പെടെയുള്ള രേഖകളും ജെഡിടിയിലേക്ക് പോലിസ് സംരക്ഷണത്തില് കൊണ്ടുവന്നിരുന്നു. ഇവിഎമ്മുകളും വിവിപാറ്റുകളും കെട്ടിടത്തിന്റെ ഒന്നാം നിലയിലെ സ്ട്രോംഗ് റൂമിലാണ് കേന്ദ്ര നിരീക്ഷകരുടെയും സ്ഥാനാര്ഥികളുടെ ഏജന്റുമാരുടെയും സാന്നിധ്യത്തില് സീല് ചെയ്ത് സൂക്ഷിച്ചിരിക്കുന്നത്. ഈ മുറി പിന്നീട് തുറന്നിട്ടില്ല.
എന്നാല് റിട്ടേണിംഗ് ഓഫീസര് കൈവശം വയ്ക്കേണ്ട രേഖകള് കെട്ടിടത്തിന്റെ രണ്ടാം നിലയിലുള്ള മെറ്റീരിയല് റൂമിലാണ് സൂക്ഷിച്ചിരിക്കുന്നത്. ഇത് സീല് ചെയ്ത മുറിയല്ല. കമ്മീഷന്റെ നിര്ദ്ദേശപ്രകാരം എന്കോര് സോഫ്റ്റ് വെയറിലെ വിവരങ്ങള് പരിശോധിച്ച് അന്തിമമായി അപ്രൂവ് ചെയ്യേണ്ട തീയതി ഏപ്രില് 20 ആയിരുന്നു. ഇതിന്റെ ഭാഗമായി എന്കോറിലെ വിവരങ്ങളുമായി പേരാമ്പ്ര മണ്ഡലത്തിലെ പ്രിസൈഡിംഗ് ഓഫീസര്മാരുടെ ഡയരിയിലെ വിവരങ്ങള് ഒത്തുനോക്കി അപ്ഡേറ്റ് ചെയ്യുന്നതിനു വേണ്ടിയാണ് ഈ മുറി ഏപ്രില് 20നു തുറന്നത്. മുറി തുറക്കുന്ന വേളയില് എല്ഡിഎഫിനെ പ്രതിനിധീകരിച്ച് എ കെ മുഹ്സിന്, യുഡിഎഫിനെ പ്രതിനിധീകരിച്ച് ശഹ്സാദ് കെ എന്നിവര് സ്ഥലത്ത് സന്നിഹിതരായിരുന്നു. രേഖകളുടെ പരിശോധന കഴിഞ്ഞ് ഈ ഏജന്റുമാരുടെ സാന്നിധ്യത്തില് ഉച്ചയ്ക്കു ശേഷം 1.50ന് മുറി പൂട്ടുകയും ചെയ്തു.
ഇവിഎമ്മുകളും പോസ്റ്റല് ബാലറ്റുകളും സൂക്ഷിച്ചിരിക്കുന്ന സീല് ചെയ്ത മുറികള് തുറന്നിട്ടില്ലെന്നും ജില്ലാ തെരഞ്ഞെടുപ്പ് ഓഫീസര് അറിയിച്ചു.
Related Posts
ഓംബുഡ്സ്മാന് സിറ്റിംഗ് 15ന്
കോഴിക്കോട്: മഹാത്മാഗാന്ധി ദേശീയ ഗ്രാമീണ തൊഴിലുറപ്പ്, പിഎംഎവൈ ഭവന പദ്ധതികളുമായി ബന്ധപ്പെട്ട പരാതികള് സ്വീകരിക്കുന്നതിന് ജൂലായ് 15ന് കോഴിക്കോട് ജില്ല എംജിഎന്ആര്ഇജിഎസ്, പിഎംഎവൈ ഭവന പദ്ധതി ഓംബുഡ്സ്മാന്…
തെരഞ്ഞെടുപ്പ് ചെലവ്: ഒബ്സര്വര്മാരെ ബന്ധപ്പെടാം
തെരഞ്ഞെടുപ്പ് ചെലവ് നിരീക്ഷകര് യോഗം ചേര്ന്നു കോഴിക്കോട്: ലോക്സഭ തെരഞ്ഞെടുപ്പ് ചെലവ് നിരീക്ഷിക്കുന്നതിനായി കേന്ദ്ര തെരഞ്ഞെടുപ്പ് കമ്മീഷന് നിയോഗിച്ച എക്സ്പെന്ഡിച്ചര് ഒബ്സര്വര്മാരുടെ നേതൃത്വത്തില് ബന്ധപ്പെട്ട ഉദ്യോഗസ്ഥരുടെ യോഗം…
തദ്ദേശ തെരഞ്ഞെടുപ്പ്: വരണാധികാരികള്ക്ക് പരിശീലനം
കോഴിക്കോട്: തദ്ദേശ സ്വയംഭരണ സ്ഥാപനങ്ങളിലേക്കുള്ള പൊതുതെരഞ്ഞെടുപ്പുമായി ബന്ധപ്പെട്ട് ജില്ലയിലെ തദ്ദേശ സ്ഥാപനങ്ങളിലെ വരണാധികാരികള്, ഉപവരണാധികാരികള്, കാര്യാലയങ്ങളിലെ തെരഞ്ഞെടുപ്പ് പ്രവര്ത്തനങ്ങള് കൈകാര്യം ചെയ്യുന്ന ക്ലര്ക്ക് എന്നിവര്ക്കുള്ള പരിശീലനം ഒക്ടോബര്…