‘ട്രിബ്യൂട്ട് ടു വൈറ്റ് കോട്ട് ഹീറോസ്’ നാളെ

കോഴിക്കോട്: ഗാസയിൽ ഇസ്രായേൽ തുടർന്നുകൊണ്ടിരിക്കുന്ന വംശഹത്യയെയും ആരോഗ്യ സംവിധാനങ്ങൾക്കെതിരായ ആക്രമണങ്ങളെയും അപലപിച്ചും അവിടെയുള്ള ആരോഗ്യ പ്രവർത്തകർക്ക് അഭിവാദ്യം അർപ്പിച്ചും എത്തിക്കൽ മെഡിക്കൽ ഫോറത്തിന്റെ ആഭിമുഖ്യത്തിൽ ‘ട്രിബ്യൂട്ട് ടു വൈറ്റ് കോട്ട് ഹീറോസ്’ എന്ന പേരിൽ പരിപാടി സംഘടിപ്പിക്കുന്നു. ഞായറാഴ്ച വൈകുന്നേരം 4ന് കോഴിക്കോട് ബീച്ചിൽ നടത്തുന്ന പരിപാടിയിൽ മെഡിക്കൽ, അലൈഡ് ഹെൽത്ത് മേഖലയിൽനിന്നുള്ള ആരോഗ്യപ്രവർത്തകരും മറ്റ് പ്രമുഖരും പങ്കെടുക്കും.