നിയമസഭാ പുസ്തകോത്സവം ക്വിസ്; മേഖലാ മത്സരം ഡിസംബര്‍ മൂന്നിന്

കോഴിക്കോട്: കേരള നിയമസഭാ അന്താരാഷ്ട്ര പുസ്തകോത്സവത്തിന്റെ മൂന്നാം എഡിഷന്റെ ഭാഗമായി ഹൈസ്‌കൂള്‍ – ഹയര്‍സെക്കൻഡറി വിദ്യാര്‍ത്ഥികള്‍, കോളേജ് (ബിരുദ – ബിരുദാനന്തര) വിദ്യാര്‍ത്ഥികള്‍, പൊതുജനങ്ങള്‍ എന്നീ വിഭാഗങ്ങള്‍ക്കായി ക്വിസ് മത്സരങ്ങള്‍ സംഘടിപ്പിക്കുന്നു. സ്‌കൂള്‍, കോളേജ് വിദ്യാര്‍ത്ഥികള്‍ക്കായി കണ്ണൂര്‍, കോഴിക്കോട്, എറണാകുളം, കോട്ടയം, തിരുവനന്തപുരം മേഖലകളിലായി പ്രാഥമിക മത്സരങ്ങളും നിയമസഭാ മന്ദിരത്തില്‍ ഫൈനല്‍ മത്സരങ്ങളും സംഘടിപ്പിക്കും. പൊതുജനങ്ങള്‍ക്കായുളള പ്രാഥമിക – ഫൈനല്‍ മത്സരങ്ങള്‍ നിയമസഭാ മന്ദിരത്തിലാണ് നടക്കുക. ഒരു സ്‌കൂള്‍ – കോളേജില്‍ നിന്നും പരമാവധി രണ്ടു വീതം ടീമുകള്‍ക്ക് പങ്കെടുക്കാം. കോഴിക്കോട് മേഖലാ (വയനാട്, കോഴിക്കോട്, മലപ്പുറം ജില്ലകള്‍) പ്രാഥമിക മത്സരം ഡിസംബര്‍ മൂന്നിന് കോഴിക്കോട് കാരപ്പറമ്പ് ജിഎച്ച്എസ്എസ്സില്‍ നടക്കും. രജിസ്‌ട്രേഷനുള്ള അവസാന തീയതി നവംബര്‍ 26. രജിസ്‌ട്രേഷനും കൂടുതല്‍ വിവരങ്ങള്‍ക്കും www.klibf.niyamasabha.org സന്ദര്‍ശിക്കുക.