എയ്ഡ്സ് ബോധവൽക്കരണവും കലാജാഥയും നടത്തി

കോഴിക്കോട്: ജില്ലാ ആരോഗ്യവകുപ്പ്, ജില്ലാ എയ്ഡ്സ് നിയന്ത്രണ യൂണിറ്റ്, ജില്ലാ ജയിൽ എന്നിവയുടെ നേതൃത്വത്തിൽ ജില്ലാ ജയിൽ അന്തേവാസികൾക്കായി എച്ച്ഐവി എയ്ഡ്സ് ബോധവൽക്കരണവും കലാജാഥയും സംഘടിപ്പിച്ചു.  ജില്ലാ ജയിലിൽ നടന്ന പരിപാടി ജില്ലാ ടിബി ആൻഡ് എയ്ഡ്സ് നിയന്ത്രണ ഓഫീസർ ഡോ. സ്വപ്ന കെ വി ഉദ്ഘാടനം ചെയ്തു. ജയിൽ വെൽഫെയർ ഓഫീസർ സുരേഷ് അധ്യക്ഷത വഹിച്ചു.  ജില്ലാ ജയിൽ അസിസ്റ്റൻറ് സൂപ്രണ്ട് സിനില വി, അസിസ്റ്റൻറ് സൂപ്രണ്ടുമാരായ ജാഫർ എ, പ്രകാശൻ പി എ,  ആരോഗ്യ വകുപ്പ് മാസ് മീഡിയ  ഓഫീസർമാരായ ഷാലിമ ടി,  ഡോ. മുഹ്‌സിൻ കെ ടി,  ദിശ  പദ്ധതി മോണിറ്ററിങ് ഓഫീസർ പ്രിയേഷ്,  ഡെപ്യൂട്ടി പ്രിസൺ  ഓഫീസർ വിജീഷ് കുമാർ, ജില്ലാ ജയിൽ കോർഡിനേറ്റർ പ്രശുഭൻ ഇ എന്നിവർ സംസാരിച്ചു. തുടർന്ന് പയ്യോളി നൃത്താഞ്ജലി  അവതരിപ്പിച്ച ബോധവൽക്കരണ കലാജാഥ, ‘ഒന്നായി പൂജ്യത്തിലേക്ക്’ അരങ്ങേറി.