സർഗാലയ കരകൗശലമേള: ലോഗോ പ്രകാശിപ്പിച്ചു

കോഴിക്കോട്: സർഗാലയ അന്താരാഷ്ട്ര കലാ-കരകൗശലമേള(SIACF) പുതിയ എഡിഷന്റെ ലോഗോ പി ടി ഉഷ എംപി പ്രകാശനം ചെയ്തു. സർഗാലയ ജനറൽ മാനേജർ ടി കെ രാജേഷ്, ഓപ്പറേഷൻസ് മാനേജർ ആർ അശ്വിൻ, ക്രാഫ്റ്റ്സ് ഡിസൈനർ കെ കെ ശിവദാസൻ, ഫിനാൻസ് മാനേജർ എസ് നിപിൻ എന്നിവർ സംബന്ധിച്ചു.ഡിസംബർ 20 മുതൽ ജനുവരി 6 വരെ നടക്കുന്ന മേളയിൽ 15-ലധികം രാജ്യങ്ങളിൽനിന്നുള്ള കരകൗശലവിദഗ്ദ്ധരും കലാകാരന്മാരും പങ്കെടുക്കും. ഇന്ത്യയിലെ എല്ലാ സംസ്ഥാനത്തുനിന്നു മുള്ള കരകൗശലവിദഗ്ദ്ധരെയും പ്രതീക്ഷിക്കുന്നു. പരമ്പരാഗതവും ആനുകാലികവുമായ കരകൗശലമികവിന്റെ അപൂർവദൃശ്യവിരുന്ന് ആകാറുള്ള സർഗാലയ മേളയുടെ ലോഗോ കലയുടെയും കരകൗശലത്തിന്റെയും സാംസ്കാരികാഘോഷങ്ങളുടെയും അന്തഃസത്ത വിളംബരം ചെയ്യുന്നതാണ്.