തദ്ദേശ, സ്കൂള്തല യോഗങ്ങള് ജൂണ് ആദ്യവാരം പൂര്ത്തിയാക്കും
കോഴിക്കോട്: ജില്ലാ പഞ്ചായത്തിന്റെ ആഭിമുഖ്യത്തില് ‘നാടിനായി നാളേക്കായി ഒന്നിക്കാം’ എന്ന സന്ദേശത്തില് സംഘടിപ്പിക്കുന്ന ‘2 മില്യണ് പ്ലഡ്ജ്’ ലഹരിവിരുദ്ധ ജനകീയ പ്രതിരോധത്തിന് മുന്നോടിയായി പ്രത്യേക ഗ്രാമസഭകളും അയല്ക്കൂട്ട സഭകളും വിളിച്ചുചേര്ക്കാന് ജനകീയ കണ്വെന്ഷനില് തീരുമാനം. ജില്ലാ പഞ്ചായത്ത് പ്രസിഡന്റിന്റെ നേതൃത്വത്തിലുള്ള ബ്ലോക്ക്തല യോഗങ്ങള് ജൂണ് 4, 5 തീയതികളിലും ഗ്രാമപഞ്ചായത്തുകളിലെ യോഗങ്ങള് ജൂണ് ഏഴിനകവും വിവിധ സര്ക്കാര് വകുപ്പുകളുടെ യോഗങ്ങളും സ്കൂള്തല യോഗങ്ങളും ജൂണ് അഞ്ചിനകവും പൂര്ത്തിയാക്കും.
ജില്ലാ പഞ്ചായത്തിന്റെ ആഭിമുഖ്യത്തില് തദ്ദേശ സ്ഥാപനങ്ങളുടെയും വിവിധ സര്ക്കാര്, സര്ക്കാറിതര സ്ഥാപനങ്ങളുടെയും സഹകരണത്തോടെയാണ് ലഹരിവിരുദ്ധ ദിനമായ ജൂണ് 26ന് 20 ലക്ഷം പേര് ലഹരിക്കെതിരെ പ്രതിജ്ഞയെടുക്കുക. കോഴിക്കോട് സമുദ്ര കമ്യൂണിറ്റി ഹാളില് നടന്ന ജനകീയ കണ്വെന്ഷനില് ജില്ലാതല സംഘാടക സമിതി രൂപീകരിച്ചു.
കണ്വെന്ഷന് മന്ത്രി പി എ മുഹമ്മദ് റിയാസ് ഓണ്ലൈന് വഴി ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് ഷീജ ശശി അധ്യക്ഷത വഹിച്ചു. ജില്ലാ കലക്ടര് സ്നേഹില് കുമാര് സിങ് മുഖ്യാതിഥിയായി. ജില്ലാ പഞ്ചായത്ത് വൈസ് പ്രസിഡന്റ് അഡ്വ. പി ഗവാസ് പദ്ധതി അവതരിപ്പിച്ചു. എഡിഎം സി മുഹമ്മദ് റഫീഖ്, ജില്ലാ പഞ്ചായത്ത് സ്റ്റാന്ഡിങ് കമ്മിറ്റി ചെയര്പേഴ്സണ്മാരായ കെ വി റീന, പി പി നിഷ, വിവിധ വകുപ്പ് മേധാവികള്, തദ്ദേശ സ്വയംഭരണ സ്ഥാപന പ്രതിനിധികള് തുടങ്ങിയവര് പങ്കെടുത്തു.
Related Posts
ക്ഷേത്ര ജീര്ണോദ്ധാരണ ധനസഹായം വിതരണം ചെയ്തു
കോഴിക്കോട്: മലബാറിലെ ക്ഷേത്രങ്ങളുടെ ജീര്ണോദ്ധാരണ പ്രവര്ത്തനങ്ങള്ക്ക് സംസ്ഥാന സര്ക്കാര് അനുവദിച്ച 2024-25 വര്ഷത്തെ ധനസഹായ വിതരണത്തിന്റെ ഉദ്ഘാടനം അഴകൊടി ദേവി ക്ഷേത്രത്തില് തോട്ടത്തില് രവീന്ദ്രന് എം.എല്.എ നിര്വഹിച്ചു.…
നവവധുവിന് ക്രൂര മര്ദനം: യുവതിക്ക് നിയമ സഹായം നൽകും
കോഴിക്കോട്: പന്തീരാങ്കാവിൽ നവവധുവിന് ക്രൂര മര്ദനമേറ്റ സംഭവത്തില് യുവതിക്ക് വനിത ശിശുവികസന വകുപ്പ് നിയമ സഹായമുള്പ്പെടെ നല്കി പിന്തുണയ്ക്കുമെന്ന് വനിത – ശിശുവികസന വകുപ്പ് മന്ത്രി വീണാ…
എ ബാലകൃഷ്ണൻ അന്തരിച്ചു
കോഴിക്കോട്: കമ്യൂണിസ്റ്റ് പാർടിയുടെ ഫറോക്ക് ഏരിയയിലെ മുതിർന്ന നേതാവും നാലു പതിറ്റാണ്ടിലേറെ സിപിഐ എം ഏരിയ കമ്മിറ്റി അംഗവും ഫറോക്ക് പഞ്ചായത്ത് പ്രസിഡൻ്റും ദേശാഭിമാനി റിട്ട. ജീവനക്കാരനുമായിരുന്ന…