വ്യാപാരിയെ ബന്ദിയാക്കി സമരാനുകൂലികൾ

കോഴിക്കോട്: സമരാനുകൂലികൾ വ്യാപാരിയെ ബന്ദിയാക്കി.ഹർത്താൽ ദിവസം കട തുറന്നതിന്റെ പേരിൽ അരീക്കാട് യൂണിറ്റിലെ മോഡേൺ ബസാറിലുള്ള Sanvi store എന്ന പച്ചക്കറി വ്യാപാരം നടത്തുന്ന രാഹുലിനെയും മകനെയുമാണ് സമരാനുകൂലികൾ ഷട്ടർ താഴിട്ട് ബന്ദിയാക്കിയത്. തൊട്ടടുത്തുള്ള വ്യാപാരികളും നാട്ടുകാരും വന്ന് കടയുടെ ഷട്ടർ തുറന്നു രാഹുലിനെയും സാധനം വാങ്ങിക്കാൻ വന്നവരെയും പുറത്തിറക്കി. വ്യാപാരി വ്യവസായി ഏകോപനസമിതി ഭാരവാഹികൾ ബന്ധപ്പെട്ട വർക്ക് പരാതി നൽകി.വൈകിട്ട് അങ്ങാടിയിൽ പ്രതിഷേധ പ്രകടനവും നടത്തി. ജില്ലാ ജനറൽ സെക്രട്ടറി വി സുനിൽകുമാർ,ജില്ലാ സെക്രട്ടറി കെ എം ഹനീഫ, മണ്ഡലം വൈസ് പ്രസിഡൻ്റ് ടി എസ് നാരായണൻ എന്നിവർ നേതൃത്വം നൽകി.യൂണിറ്റ് ജനറൽ സെക്രട്ടറി ടി കെ അബൂബക്കർ സിദ്ദീഖ് , യൂണിറ്റ് യൂത്ത്ജനറൽ സെക്രട്ടറി പി കെ അബ്ദുൽ വഹാബ്, എം അനിൽകുമാർ . എം ജയൻ, ടി പി സിദ്ദീഖ് അഹമ്മദ് എന്നിവർ സംസാരിച്ചു.