വിനീഷ് വിദ്യാധരൻ്റെ രണ്ട് പുസ്തകങ്ങൾ പ്രകാശനം ചെയ്തു

കോഴിക്കോട്: കാലിക്കറ്റ് ചേംബർ ഓഫ് കൊമേഴ്സ് ആൻഡ് ഇൻഡസ്ട്രിയുടെ പ്രസിഡൻ്റും അർബൻ പ്ലാനറും ചാർട്ടേഡ് എൻജിനീയറുമായ വിനീഷ് വിദ്യാധരൻ്റെ രണ്ട് പുസ്തകങ്ങൾ 43-ാമത് ഷാർജ അന്താരാഷ്ട്ര പുസ്തകമേളയിൽ പ്രകാശനം ചെയ്തു.’ജീവൻ്റെ ഏടുകൾ’ എന്ന കവിതാസമാഹാരംകവിയും ഗാനരചയിതാവും മുൻ ചീഫ് സെക്രട്ടറിയുമായ കെ ജയകുമാറും ‘സഫലജീവിതത്തിന് 100 സന്ദേശങ്ങൾ’ എന്ന പ്രചോദനാത്മക പുസ്തകം മേയർ ഡോ. ബീന ഫിലിപ്പും പ്രകാശനം ചെയ്തു. ഈ പ്രസിദ്ധീകരണങ്ങളുടെ ആദ്യ പകർപ്പുകൾ ഷാർജ ബുക്ക് അതോറിറ്റിയുടെ വിദേശകാര്യ എക്സിക്യൂട്ടീവ് പി വി മോഹൻകുമാർ ഏറ്റുവാങ്ങി. ചടങ്ങിൽ സാഹിത്യകാരി കെ പി സുധീര , കവയിത്രി ഹണി ഭാസ്കരൻ, ലിപി അക്ബർ, ടി പ്രമോദ് കുമാർ, എം എ സുഹൈൽ എന്നിവർ സംസാരിച്ചു.ലിപി പബ്ലിക്കേഷൻസാണ് പ്രസാധകർ.