കൃഷി ഹബ്ബ് ഉദ്ഘാടനം ചെയ്തു

കോഴിക്കോട്: വേങ്ങേരി നഗര കാര്‍ഷിക മൊത്ത വിപണന കേന്ദ്രത്തില്‍ ആരംഭിച്ച കൃഷി ഹബ്ബ് മേയര്‍ ഡോ. ബീന ഫിലിപ് ഉദ്ഘാടനം ചെയ്തു. കോഴിക്കോട് ജില്ലയിലെ ഫാര്‍മര്‍ പ്രൊഡ്യൂസേഴ്‌സ് ഓര്‍ഗനൈസേഷനുകളെ ഏകോപിപ്പിച്ചുകൊണ്ട് കാര്‍ഷിക ഉൽപ്പന്നങ്ങളുടെയും ഉൽപ്പാദന ഉപാധികളുടെയും മൂല്യ വര്‍ദ്ധിത ഉല്‍പ്പന്നങ്ങളുടെയും വില്പനയും വിജ്ഞാന, വ്യാപന പ്രവര്‍ത്തനങ്ങളും നടപ്പാക്കുന്നതിനായാണ് കൃഷിഹബ്ബ് രൂപീകരിച്ചത്.ചടങ്ങിൽ ഡെപ്യൂട്ടി മേയര്‍ സി പി മുസാഫര്‍ അഹമ്മദ് അധ്യക്ഷത വഹിച്ചു. പ്രിന്‍സിപ്പല്‍ കൃഷി ഓഫീസര്‍ രജനി മുരളീധരന്‍ ആദ്യവില്‍പനയും ആത്മ പ്രോജക്ട് ഡയറക്ടര്‍ എസ് സ്വപ്ന പദ്ധതി വിശദീകരണവും നടത്തി. കോഴിക്കോട് എവര്‍ഗ്രീന്‍ എഫ്പിഒ സെക്രട്ടറി പൂളക്കല്‍ ശ്രീകുമാര്‍ റിപ്പോര്‍ട്ട് അവതരിപ്പിച്ചു. കൃഷി അസി. ഡയറക്ടര്‍ എംഎസ് ശബ്‌ന, കൃഷി ഫില്‍ഡ് ഓഫീസര്‍ മുഹമ്മദ് സാലിം, പി കെ നാസര്‍, പി പി നിഖില്‍, പി സി അബ്ദുല്‍ മജീദ്, പി ഷെല്‍ജ, വി ടി രാമചന്ദ്രന്‍, അശോകന്‍, ടി സണ്ണി എന്നിവര്‍ സംസാരിച്ചു.