കായിക പരിശീലനം: അഡ്മിഷന്‍ ആരംഭിച്ചു

കോഴിക്കോട്: ജില്ലാ സ്‌പോര്‍ട്സ് കൗണ്‍സില്‍ വിവിധ കായിക ഇനങ്ങളില്‍ അഞ്ച് വയസ്സ് മുതല്‍ 15 വയസ്സ് വരെയുള്ള കുട്ടികള്‍ക്കായി കുറഞ്ഞ നിരക്കില്‍ നടത്തുന്ന റഗുലര്‍ ക്യാമ്പിന്റെ  അഡ്മിഷന്‍ ആരംഭിച്ചു. ജൂണ്‍ 14 മുതൽ ജില്ലയിലെ വിവിധ കേന്ദ്രങ്ങളിലായാണ് ക്യാമ്പുകള്‍ നടക്കുക. ഫുട്‌ബോള്‍- കോഴിക്കോട്, കൊയിലാണ്ടി, പേരാമ്പ്ര, ചെലവൂര്‍, ഫറോക്ക്. ബാസ്‌കറ്റ്‌ബോള്‍ – കോഴിക്കോട് മാനാഞ്ചിറ സ്‌ക്വയര്‍. ഷട്ടില്‍- ഇന്‍ഡോര്‍ സ്റ്റേഡിയം കോഴിക്കോട്. ജിംനാസ്റ്റിക് – ഇ.എം.എസ് സ്റ്റേഡിയം കോഴിക്കോട്, ചെസ്സ്- ഇന്‍ഡോര്‍ സ്റ്റേഡിയം കോഴിക്കോട്, ഫറോക്ക് നല്ലുര്‍. ബോക്സിംഗ് -ഇ.എം.എസ് സ്റ്റേഡിയം കോഴിക്കോട്. സ്‌കേറ്റിംഗ് – ഇന്‍ഡോര്‍ സ്റ്റേഡിയം കോഴിക്കോട്, സ്വിമ്മിംഗ് – സ്‌പോര്‍ട്സ് കൗണ്‍സില്‍ സ്വിംമ്മിംഗ് പൂള്‍ ഈസ്റ്റ് നടക്കാവ്, തുടങ്ങിയ ഇടങ്ങളിലാണ് ക്യാമ്പ്. പരിചയസമ്പന്നരും പ്രശസ്തരുമായ പരിശീലകരുടെ നേതൃത്വത്തിലാണ് ക്യാമ്പ് രൂപകല്‍പന ചെയ്തിരിക്കുന്നത്. വിവിധ ക്യാമ്പുകളില്‍ പരിമിതമായ കുട്ടികള്‍ക്ക് മാത്രമേ പ്രവേശനം നല്‍കുകയുള്ളൂ. ഫോണ്‍ – 04952722593,8078182593.