പന്ത് തട്ടാൻ കലക്ടറും കമ്മീഷണറും

കോഴിക്കോട്: ലോക്സഭാ തെരഞ്ഞെടുപ്പ് ബോധവൽക്കരണ പരിപാടിയുടെ ഭാഗമായി
ജില്ലാ തെരഞ്ഞെടുപ്പ് സ്വീപ് സെൽ ഫുട്ബോൾ സൗഹൃദ മത്സരം സംഘടിപ്പിക്കുന്നു.

ഫെബ്രുവരി 25 ന്
വൈകീട്ട് മൂന്നിന് കോഴിക്കോട് കോർപ്പറേഷൻ ഇ.എം.എസ് സ്റ്റേഡിയത്തിൽ നടക്കുന്ന മത്സരത്തിൽ
കലക്ടേഴ്സ് ഇലവൻ എഫ്സി, കമ്മീഷണറേഴ്സ് ഇലവൻ എഫ്സി,
ഫോറസ്റ്റ് ഇലവൻ എഫ്സി, കാലിക്കറ്റ്‌ പ്രസ് ക്ലബ്ബ് ഇലവൻ എഫ്സി എന്നീ ടീമുകൾ
കൊമ്പുകോർക്കും.
കലക്ടേഴ്സ് ഇലവൻ
ഫോറസ്റ്റ് ഇലവനുമായി മാറ്റുരയ്ക്കുമ്പോൾ കമ്മീഷണറേഴ്സ് ഇലവന്റെ എതിരാളി
കാലിക്കറ്റ്‌ പ്രസ് ക്ലബ്ബ് ഇലവനാണ്. ഇരു മാച്ചുകളിലെയും വിജയികൾ ഫൈനലിൽ ഏറ്റുമുട്ടും.

ജില്ലാ കലക്ടർ സ്നേഹിൽ കുമാർ സിംഗ്, സിറ്റി പൊലീസ് കമ്മീഷണർ രാജ്പാൽ മീണ എന്നിവർക്ക് പുറമേ ജില്ലാ ഫോറസ്റ്റ് ഓഫീസർ, സബ് കലക്ടർ, അസിസ്റ്റന്റ് കലക്ടർ, പ്രസ് ക്ലബ് ഭാരവാഹികൾ, വിവിധ വകുപ്പ് ഉദ്യോഗസ്ഥർ എന്നിവർ ഞായറാഴ്ച ബൂട്ടണിയും.