കോഴിക്കോട്: ജില്ലാ ഭരണകൂടത്തിന്റെ നേതൃത്വത്തിൽ പ്രവർത്തിക്കുന്ന ഉദയം പദ്ധതി അഞ്ചു വർഷം പൂർത്തിയാക്കി. 2020 മാർച്ചിൽ തുടങ്ങിയ ഈ പദ്ധതി ഇതുവരെ 2000 ൽ പരം പേർക്ക് വിവിധ തരത്തിലുള്ള പുനരധിവാസ സേവനങ്ങൾ നൽകി.
240 പുരുഷന്മാരെ ഉൾക്കൊള്ളാൻ ശേഷിയുള്ള 3 ഉദയം ഹോമുകൾ നഗരത്തിൽ വെസ്റ്റ് ഹിൽ, വെള്ളിമാടുകുന്ന്, ചേവായൂർ എന്നിവിടങ്ങളിൽ പ്രവർത്തിക്കുന്നു.
ചേവായൂർ ഉദയം ഹോമിൽ നടന്ന വാർഷികാഘോഷ ചടങ്ങിൽ ജില്ലാ കലക്ടർ സ്നേഹിൽ കുമാർ സിംഗ് മുഖ്യാതിഥിയായി. ഡെപ്യൂട്ടി കലക്ടർ ഇ അനിതകുമാരി, സാമൂഹ്യ നീതി ഓഫീസർ അഞ്ജു മോഹൻ, ഉദയം പദ്ധതി സ്പെഷൽ ഓഫീസർ ഡോ. രാഗേഷ്, ഉദയം ഹോം സൂപ്രണ്ട് ആര്യ, സ്മൈൽ സ്കീം കോ-ഓർഡിനേറ്റർ ജിജി, സ്റ്റാഫ് അംഗങ്ങൾ എന്നിവർ സന്നിഹിതരായിരുന്നു. അന്തേവാസികൾ കലാ പരിപാടികൾ അവതരിപ്പിച്ചു.
ഉദയം അഞ്ചാം വാർഷികം ആഘോഷിച്ചു
