കോഴിക്കോട്: കോടതികളുടെ പരിഗണനയിലുള്ള കേസുകള് മധ്യസ്ഥത വഴി തീര്പ്പാക്കുകയെന്ന ലക്ഷ്യത്തോടെ ദേശീയ നിയമ സേവന അതോറിറ്റിയും സുപ്രീം കോടതിയുടെ മീഡിയേഷന് ആന്ഡ് കണ്സിലിയേഷന് പ്രോജക്റ്റ് കമ്മിറ്റിയും ചേര്ന്ന് രാജ്യവ്യാപകമായി സംഘടിപ്പിക്കുന്ന 90 ദിവസത്തെ ‘മീഡിയേഷന് ഫോര് ദി നേഷന്’ ക്യാമ്പയിന് ജില്ലയില് തുടക്കം.
വിവാഹസംബന്ധമായ തര്ക്കങ്ങള്, വാഹനാപകട നഷ്ടപരിഹാരങ്ങള്, ഗാര്ഹിക പീഡനക്കേസുകള്, ചെക്ക്, കൊമേഴ്സ്യല്, സ്വത്ത്, ഉപഭോക്ത്യ സേവന കേസുകള്, സിവില്, കോമ്പൗണ്ടബിള് ക്രിമിനല് കേസുകള് എന്നിവയാണ് മധ്യസ്ഥതയിലൂടെ പരിഹരിക്കുക.
ജൂലൈ 31 വരെ മീഡിയേഷന് അനുയോജ്യമായ കേസുകള് തെരഞ്ഞെടുക്കുകയും കക്ഷികളെ അറിയിച്ച ശേഷം മധ്യസ്ഥ കേന്ദ്രങ്ങള്ക്ക് കൈമാറുകയും പരിചയസമ്പന്നരായ മുതിര്ന്ന അഭിഭാഷകര്, റിട്ട. ജഡ്ജിമാര് തുടങ്ങിയവര് ഉള്പ്പെടെയുള്ള മീഡിയേറ്റര്മാരുടെ മധ്യസ്ഥതയില് തീര്പ്പാക്കല് ശ്രമം നടത്തുകയും ചെയ്യും. നേരിട്ട് ഹാജരാകാന് പ്രയാസമുള്ള കക്ഷികള്ക്കായി ഓണ്ലൈന് സംവിധാനവും ഉപയോഗപ്പെടുത്തും.
സേവനങ്ങള് സൗജന്യമായിരിക്കും. മധ്യസ്ഥത വഴി തീരുന്ന കേസുകളില് അടച്ച കോടതിഫീസ് പൂര്ണമായും തിരികെ നല്കും. ജൂലൈ ഒന്നിന് ആരംഭിച്ച ക്യാമ്പയിന് സെപ്റ്റംബര് 30ന് അവസാനിക്കും. കൂടുതല് വിവരങ്ങള്ക്ക് ജില്ലാ കോടതിയിലെ മീഡിയേഷന് സെന്ററുമായി ബന്ധപ്പെടാം.
Related Posts
കുന്നമംഗലത്ത് മൂന്നുപേർ മുങ്ങിമരിച്ചു
കോഴിക്കോട്: കുന്നമംഗലം പൊയ്യയിൽ കുഴിമണ്ണക്കടവിൽ ഒഴുക്കിൽപെട്ട് മൂന്നു പേർ മരിച്ചു. കുളിക്കാനിറങ്ങിയ ആറുപേരിൽ മൂന്നു പേരാണ് മുങ്ങിമരിച്ചത്. കുരിക്കത്തൂർ ശിവഗിരി കാരിപറമ്പത്ത് മിനി എന്ന സിന്ധു(45), മകൾ…
1500 ഭാഗ്യക്കുറി ക്ഷേമനിധി അംഗങ്ങൾക്ക് യൂണിഫോം വിതരണം
കോഴിക്കോട്: സംസ്ഥാന ഭാഗ്യക്കുറി ക്ഷേമനിധി അംഗങ്ങൾക്കുള്ള ഈ വർഷത്തെ സൗജന്യ യൂണിഫോം വിതരണ പദ്ധതിയുടെ ജില്ലാതല ഉദ്ഘാടനം ഡിസംബർ 1 പകൽ 2.30 ന് കലക്ടറേറ്റ് കോൺഫറൻസ്…
തദ്ദേശ സ്വയംഭരണ സ്ഥാപനങ്ങളുടെ വാര്ഡ് വിഭജനം: ഹിയറിങ് നടത്തി
ആകെ 784 പരാതികൾ പരിഗണിച്ചു കോഴിക്കോട്: തദ്ദേശ സ്ഥാപനങ്ങളിലെ വാര്ഡ് വിഭജനവും അതിര്ത്തി നിര്ണയവും സംബന്ധിച്ച പരാതികള് പരിഹരിക്കുന്നതിനായി നിശ്ചയിച്ച ഡീലിമിറ്റേഷൻ കമ്മീഷൻ കോടതി വിധിയെ തുടർന്ന്…