ബേപ്പൂര്‍ ബീച്ച് സൗന്ദര്യവത്കരണ വികസന പദ്ധതി ഉദ്ഘാടനം നാളെ

കോഴിക്കോട്: ബേപ്പൂര്‍ ആന്‍ഡ് ബിയോണ്ട് ബേപ്പൂര്‍ ബീച്ച് സൗന്ദര്യ വത്കരണ വികസന പദ്ധതി പൊതുമരാമത്ത്- ടൂറിസം മന്ത്രി പി എ മുഹമ്മദ് റിയാസ് നാളെ(19) വൈകുന്നേരം 6.30-ന് ഉദ്ഘാടനം ചെയ്യും. ബേപ്പൂര്‍ ബീച്ചില്‍ നടക്കുന്ന ചടങ്ങില്‍ മേയര്‍ ഡോ. ബീന ഫിലിപ്പ് അധ്യക്ഷത വഹിക്കും. ആദ്യഘട്ട നവീകരണ, സൗന്ദര്യവത്കരണ ടൂറിസം പദ്ധതിയാണ് പൂര്‍ത്തീകരിച്ചത്. ടൂറിസം വകുപ്പ് 9.94 കോടി രൂപ മുതല്‍ മുടക്കിലാണ് സൗന്ദര്യവത്കരണ പ്രവൃത്തികള്‍ പൂര്‍ത്തിയാക്കിയത്.