കോഴിക്കോട്: ദേശീയ ദുരന്തനിവാരണ അതോറിറ്റിയുടെ ‘യുവ ആപ്ദ മിത്ര’ പദ്ധതിയുടെ ഭാഗമായി എന്.എസ്.എസ് വളണ്ടിയര്മാര്ക്കായി സംഘടിപ്പിക്കുന്ന പ്രത്യേക ദുരന്തനിവാരണ പരിശീലന പരിപാടിയുടെ രണ്ടാം ബാച്ചിന്റെ പരിശീലന ക്യാമ്പിന് തുടക്കമായി. ജനുവരി 27 മുതല് ഫെബ്രുവരി 2 വരെയാണ് ക്യാമ്പ്. കോഴിക്കോട് എരഞ്ഞിപ്പാലം നവജ്യോതി റിനീവല് സെന്ററില് ആരംഭിച്ച ക്യാമ്പ് എന്.എസ്.എസ് സ്റ്റേറ്റ് ഓഫീസര് ഡോ. ഡി ദേവിപ്രിയ ഉദ്ഘാടനം ചെയ്തു. ഡിസാസ്റ്റര് മാനേജ്മെന്റ് ഡെപ്യൂട്ടി കലക്ടര് എം. രേഖ മുഖ്യപ്രഭാഷണം നടത്തി. ക്യാമ്പ് നോഡല് ഓഫീസര് ഡോ. സുരേഷ് പുത്തന്പറമ്പില് അധ്യക്ഷനായി. എ എം സാദിഖ്, ജില്ലാ ഹസാര്ഡ് അനലിസ്റ്റ് പി അശ്വതി, ലിജോ ജോസഫ്, ആപ്ദ മിത്ര മാസ്റ്റര് ട്രെയിനര് ബിനോയ് എന്നിവര് സംസാരിച്ചു.
കേരള ഡിസാസ്റ്റര് മാനേജ്മെന്റിന്റെയും ജില്ലാ ദുരന്ത നിവാരണ അതോറിറ്റിയുടെയും നാഷണല് സര്വീസ് സ്കീമിന്റെയും ആഭിമുഖ്യത്തിലാണ് പരിശീലനം സംഘടിപ്പിക്കുന്നത്. ഏഴു ദിവസത്തെ ക്യാമ്പിന്റെ ഭാഗമായി അടിയന്തര സാഹചര്യങ്ങള് നേരിടുന്ന രീതികള്, ദുരന്ത മുഖങ്ങളിലെ പ്രവര്ത്തനങ്ങള്, രക്ഷാപ്രവര്ത്തനത്തിന് ആവശ്യമായ മുന്നൊരുക്കങ്ങള്, ദുരന്തനിവാരണ ഉപകരണങ്ങളുടെ ഉപയോഗം എന്നിവയില് വിദ്യാര്ഥികള്ക്ക് ശാസ്ത്രീയ പരിശീലനം നല്കും. അടിയന്തര സാഹചര്യങ്ങളില് പ്രാഥമിക സഹായം നല്കാനും ദുരന്ത സമയങ്ങളില് പ്രദേശവാസികള്ക്ക് സ്വയം പ്രതിരോധിക്കാന് സഹായം എത്തിക്കാനും യുവജന സേനയെ രൂപപ്പെടുത്തുകയാണ് പദ്ധതിയുടെ ലക്ഷ്യം. പരിശീലനം വിജയകരമായി പൂര്ത്തീകരിക്കുന്ന കേഡറ്റുകള്ക്ക് സര്ട്ടിഫിക്കറ്റുകള്, ഐ.ഡി കാര്ഡുകള്, യൂണിഫോം, എമര്ജന്സി റസ്പോണ്സ് കിറ്റുകള് എന്നിവ നല്കും.
Related Posts
ഇന്നു മുതൽ 5 ദിവസം മഴ
കോഴിക്കോട്: സംസ്ഥാനത്ത് ഇന്ന് മുതൽ അഞ്ച് ദിവസത്തേക്ക് ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ്. പത്ത് ജില്ലകളിൽ ഇന്ന് മഴയ്ക്ക് സാധ്യതയുണ്ട്. തിരുവനന്തപുരം,…
ജില്ലയില് ഏഴ് ക്യാംപുകളിലുള്ളത് 899 പേർ
കോഴിക്കോട്: ദുരിതാശ്വാസ ക്യാംപുകളില് നിന്നും ചൊവ്വാഴ്ച കൂടുതല് കുടുംബങ്ങള് വീടുകളിലേക്ക് മടങ്ങി. നിലവിൽ കോഴിക്കോട്, താമരശ്ശേരി താലൂക്കുകളിൽ ക്യാംപുകൾ ഇല്ല. ജില്ലയിൽ വടകര, കൊയിലാണ്ടി താലൂക്കുകളിലെ ഏഴ്…
2026ഓടെ നവകേരളം ലക്ഷ്യം: മുഖ്യമന്ത്രി
സംസ്ഥാനം കൈവരിച്ച പുരോഗതിയുടെ യഥാര്ഥ ചിത്രം അവതരിപ്പിക്കപ്പെടുന്നില്ല ആധുനിക വിജ്ഞാന ഉല്പാദന കേന്ദ്രമായി കേരളം മാറി കോഴിക്കോട്: 2026ല് സര്ക്കാര് പത്ത് വര്ഷം പൂര്ത്തിയാക്കുന്ന ഘട്ടത്തില് നവകേരളം…