പേരാമ്പ്ര: റവന്യൂ ജില്ലാ സ്കൂൾ കലോത്സവ സാംസ്കാരിക കമ്മറ്റി കലോത്സവ നഗരിയിൽ സംഘടിപ്പിച്ച ചിത്ര പ്രദർശനം ടി പി രാമകൃഷ്ണൻ എംഎൽഎ ഉദ്ഘാടനം ചെയ്തു. സാംസ്കാരിക കമ്മറ്റി ചെയർമാൻ കെ കെ പ്രേമൻ അധ്യക്ഷത വഹിച്ചു. എം ജി ബൽരാജ്, ബിജു കാവിൽ , അഭിലാഷ് തിരുവോത്ത്, രഞ്ജിത്ത് പട്ടാണിപ്പാറ, കെ സി രാജീവൻ എന്നിവർ സംസാരിച്ചു.
പേരാമ്പ്രയിലെ ചിത്രകാര കൂട്ടായ്മയായ ‘ ദ ക്യാമ്പി ‘ലെ ചിത്രകാരൻമാരുടെ ചിത്ര പ്രദർശനമാണ് നടക്കുന്നത്. റവന്യൂ ജില്ലാ ചിത്രകലാ മൽസരത്തിൽ വിജയികളായ കുട്ടികളുടെ ചിത്രങ്ങൾ ബുധനാഴ്ച മുതൽ പ്രദർശിപ്പിക്കും.
