കോഴിക്കോട്: യങ് ഇന്നവേഷൻ പ്രോഗ്രാമിൻ്റെ 2021ലെ ഏറ്റവും കൂടുതൽ ഐഡിയ സമർപ്പിച്ച് കേരളത്തിൽ മൂന്നാം സ്ഥാനത്തിനർഹരായ ചേവരമ്പലം സെന്റ് മേരീസ് സ്ക്കൂളിനുള്ള പുരസ്കാരങ്ങൾ കൈമാറി. ജില്ലാ കലക്ടർ സ്നേഹിൽ കുമാർ സിംഗ് പുരസ്കാരങ്ങൾ വിതരണം ചെയ്തു. സ്കൂളിനുള്ള ക്യാഷ് അവാർഡ്, ഫെസിലിറ്റേറ്ററായ ഷാനില വേണുവിനുള്ള പുരസ്കാരം, സംസ്ഥാന ജേതാക്കൾക്കുള്ള പുരസ്കാരം എന്നിവയാണ് വിതരണം ചെയ്തത്.
ചടങ്ങിൽ കെ-ഡിസ്ക് സീനിയർ പ്രോഗ്രാം എക്സിക്യുട്ടീവ് അനുമരിയ, പ്രിൻസിപ്പൾ സിസ്റ്റർ ആനീസ്, മാനേജർ സിസ്റ്റർ സോളി, പിടിഎ എക്സിക്യുട്ടീവ് മെമ്പർ പ്രവീൺ, ഷാനില വേണു എന്നിവർ സംസാരിച്ചു.
2021 ലെ ഏറ്റവും കൂടുതൽ ഐഡിയ സമർപ്പിച്ച് കേരളത്തിൽ മൂന്നാം സ്ഥാനത്തിനർഹരായ ചേവരമ്പലം സെന്റ് മേരീസ് സ്ക്കൂളിലെ വിദ്യാർത്ഥികൾ