കോഴിക്കോട്: മാലിന്യ സംസ്കരണത്തില് സംസ്ഥാനം കൈവരിച്ച നേട്ടങ്ങള് വിലയിരുത്തുന്നതിനുള്ള സ്വച്ച് സര്വേക്ഷന് ഗ്രാമീണ് സര്വേ നാളെ (17) ആരംഭിക്കും. സ്വച്ച് ഭാരത് മിഷന് ഗ്രാമീണിന്റെ ഭാഗമായി രാജ്യത്ത് തെരഞ്ഞെടുത്ത 21,000 വില്ലേജുകളിലാണ് സര്വേ. കേരളത്തില് 450 വില്ലേജുകളിലാണ് പരിശോധന. ഓരോ ജില്ലയിലും കുറഞ്ഞത് 20 വില്ലേജുകളില് പരിശോധന നടത്തും. ജനസംഖ്യക്ക് ആനുപാതികമായി വില്ലേജുകളുടെ എണ്ണം കൂടും. വീടുകള്, തദ്ദേശഭരണ സ്ഥാപന ഓഫീസുകള്, സ്കൂളുകള്, അങ്കണവാടികള്, പൊതുസ്ഥലങ്ങള്, മാര്ക്കറ്റുകള്, ആരാധനാലയങ്ങള്, പ്രാഥമികാരോഗ്യ കേന്ദ്രങ്ങള് എന്നിവിടങ്ങളിലെ മാലിന്യ സംസ്കരണ സംവിധാനങ്ങളും ശുചിത്വ നിലവാരവും സര്വേയുടെ ഭാഗമായി പരിശോധിക്കും.
ഓരോ പഞ്ചായത്തിലെയും നിശ്ചിത എണ്ണം വീടുകളില് സംഘം നേരിട്ടെത്തിയാണ് പരിശോധന നടത്തുക. വീടുകളിലെ ശുചിമുറി സൗകര്യം, കൈകഴുകാനുള്ള സൗകര്യം, കുടിവെള്ള സൗകര്യം, ഗാര്ഹിക മാലിന്യ സംസ്കരണ ഉപാധികള്, മലിനജല സംസ്കരണ സോക്കേജ് പിറ്റ് തുടങ്ങിയവ പരിശോധിക്കും. ജനഹിതം നേരിട്ടറിയാന് സിറ്റിസണ് ഫീഡ്ബാക്ക് മൊബൈല് ആപ്ലിക്കേഷന് സ്വച്ച് സര്വേക്ഷന് ഗ്രാമീണ് 2025 ഉപയോഗപ്പെടുത്തും. വൃത്തി കുറഞ്ഞതും സൗകര്യങ്ങള് ഇല്ലാത്തതുമായ സ്ഥലങ്ങളില് അവ ലഭ്യമാക്കാനുള്ള പദ്ധതി തയാറാക്കുകയാണ് സര്വേയുടെ ലക്ഷ്യം.
Related Posts
സൈക്യാട്രിക് സോഷ്യല് വര്ക്കര്: അപേക്ഷ ക്ഷണിച്ചു
കോഴിക്കോട്: ഇംഹാന്സിൽ സൈക്യാട്രിക് സോഷ്യല് വര്ക്കര് തസ്തികയിലേക്ക് കരാറടിസ്ഥാനത്തില് നിയമിക്കുന്നതിന് അപേക്ഷ ക്ഷണിച്ചു. യോഗ്യത – സോഷ്യല് വര്ക്കില് രണ്ട് വര്ഷത്തെ റെഗുലര് ബിരുദാനന്തര ബിരുദവും അംഗീകൃത…
ഡെങ്കിപ്പനി: ജാഗ്രത പുലർത്തണം
കോഴിക്കോട്: ഡെങ്കിപ്പനിക്കെതിരെ പൊതുജനങ്ങൾ ജാഗ്രത പുലർത്തണമെന്ന് ജില്ലാ മെഡിക്കൽ ഓഫീസർ അറിയിച്ചു. അതിശക്തമായ പനി, ശരീര വേദന, തലവേദന, ക്ഷീണം എന്നിവയാണ് ഡെങ്കിപ്പനിയുടെ പ്രധാന ലക്ഷണങ്ങൾ. രോഗലക്ഷണങ്ങൾ…
കഫീന് രഹിത ഔഷധ പാനീയ കൂട്ടുമായി ബൊട്ടാണിക്കല് ഗാര്ഡന്
കോഴിക്കോട്: കഫീന് രഹിത ഔഷധ പാനീയ കൂട്ടുമായി മലബാര് ബൊട്ടാണിക്കല് ഗാര്ഡന് ആന്ഡ് ഇന്സ്റ്റിറ്റ്യൂട്ട് ഫോര് പ്ലാന്റ് സയന്സസ് (എംബിജിഐപിഎസ്). താമര ഇതളും മറ്റ് ഔഷധ സസ്യങ്ങളും…