കോഴിക്കോട്: കേരളത്തില് അഞ്ച് ലക്ഷം പട്ടയങ്ങള് വിതരണം ചെയ്യുകയെന്ന ലക്ഷ്യം ഈ വര്ഷത്തോടെ പൂര്ത്തീകരിക്കാനാണ് സര്ക്കാര് തീരുമാനമെന്നും ജില്ലയിലെ പട്ടയവുമായി ബന്ധപ്പെട്ട വിഷയങ്ങള് പരിഹരിക്കുന്നതിനുള്ള നടപടികള് വേഗത്തിലാക്കുമെന്നും റവന്യു മന്ത്രി കെ രാജന്. പട്ടയ വിതരണവുമായി ബന്ധപ്പെട്ട റവന്യു വകുപ്പിന്റെ അവലോകന യോഗത്തില് സംസാരിക്കുകയായിരുന്നു അദ്ദേഹം. ഭൂമി ലഭ്യമാകുന്ന മുറക്ക് അതിദരിദ്രര്ക്കും ഭൂരഹിതര്ക്കും വിതരണം ചെയ്യാനുള്ള നടപടികള് വേഗത്തിലാക്കാനും ഇതിനായി താലൂക്ക് തലത്തിലും വില്ലേജ് തലത്തിലും ഇടപെടാനുള്ള പ്രത്യേക ടീം തയാറാക്കാനും മന്ത്രി നിര്ദേശം നല്കി. കളക്ടറേറ്റ് കോണ്ഫറന്സ് ഹാളില് ചേര്ന്ന യോഗത്തില് പുഴ, പാറ, കടല് പുറമ്പോക്ക്, വനഭൂമി, മിച്ചഭൂമി, കോളനി പട്ടയം എന്നിങ്ങനെ 175 പട്ടയ പ്രശ്നങ്ങളില് ചര്ച്ച നടന്നു. നിയമപ്രശ്നങ്ങളുള്ള പട്ടയങ്ങളില് സര്ക്കാര് ഇടപെടലുകള് വേണ്ടതിനെ കുറിച്ചുള്ള വിവരശേഖരണവും മന്ത്രി നടത്തി.
ജില്ലാ കലക്ടര് സ്നേഹില് കുമാര് സിംഗ്, സബ് കലക്ടര് ഹര്ഷില് ആര് മീണ, എഡിഎം സി മുഹമ്മദ് റഫീഖ്, ലാന്ഡ് റവന്യു ഡെപ്യൂട്ടി കളക്ടര് പി എന് പുരുഷോത്തമന്, ഡെപ്യൂട്ടി കലക്ടര് ഇ അനിത കുമാരി, തഹസില്ദാര്മാര്, ഉദ്യോഗസ്ഥര് തുടങ്ങിയവര് യോഗത്തില് പങ്കെടുത്തു.
Related Posts
പ്രധാനമന്ത്രിയുടെ നടപടി ഭരണഘടനാ വിരുദ്ധം: ഐപ്സോ
കോഴിക്കോട്: ഭരണഘടന ഉയർത്തിപ്പിടിച്ച് സത്യപ്രതിജ്ഞ ചെയ്ത പ്രധാനമന്ത്രി ഒരു മതത്തിൻ്റെ മത ചടങ്ങിൽ പങ്കെടുത്ത് അയോധ്യ ക്ഷേത്ര പ്രതിഷ്ഠ നടത്തിയത് ഇന്ത്യൻ മതേതരത്വത്തിനും ഭരണഘടനയ്ക്കും വിരുദ്ധമാണെന്ന് ഐപ്സോ(ഓൾ…
സുവനീർ പ്രകാശനം ചെയ്തു
കോഴിക്കോട്: കേരള സംസ്ഥാന വ്യാപാരി വ്യവസായി സമിതി പതിനൊന്നാം സംസ്ഥാന സമ്മേളന സ്മരണിക – സുവനീർ പ്രകാശനം സമിതി സംസ്ഥാന പ്രസിഡന്റ് വി കെ സി മമ്മദ്…
സിറ്റിസണ് റെസ്പോണ്സ് പ്രോഗ്രാം: കര്മസേന അംഗങ്ങള് ഒരുങ്ങുന്നു
കോഴിക്കോട്: പൊതുജനങ്ങളില്നിന്ന് വികസന നിര്ദേശങ്ങളും ആശയങ്ങളും ലഭ്യമാക്കാനും ക്ഷേമപദ്ധതികള് സംബന്ധിച്ച് അഭിപ്രായം തേടാനുമായി സംസ്ഥാന സര്ക്കാര് ആവിഷ്കരിച്ച നവകേരളം സിറ്റിസണ് റെസ്പോണ്സ് പ്രോഗ്രാമിന്റെ ഭാഗമായി കര്മസേന അംഗങ്ങള്ക്കുള്ള…