കോഴിക്കോട്: ജില്ലയിലെ പൊതു വിദ്യാഭ്യാസ വകുപ്പില് ഹൈസ്കൂള് ടീച്ചര് (നാച്ചുറല് സയന്സ്) (തസ്തിക മാറ്റം വഴി) (കാറ്റഗറി നം.703/2023) തസ്തികയുടെ ചുരുക്കപ്പട്ടികയില് ഉള്പ്പെടുകയും വണ് ടൈം വെരിഫിക്കേഷന് പൂര്ത്തിയാക്കുകയും ചെയ്ത ഉദ്യോഗാര്ത്ഥികള്ക്കുള്ള അഭിമുഖം ജനുവരി 22 ന് കേരള പി എസ് സി കാസര്കോട് ജില്ലാ ഓഫീസില് നടത്തും. ഉദ്യോഗാര്ത്ഥികള്ക്ക് അവരുടെ പ്രൊഫൈലില് അഡ്മിഷന് ടിക്കറ്റ് ലഭ്യമാക്കിയിട്ടുള്ളതിനാല് വ്യക്തിഗത ഇന്റര്വ്യൂ മെമ്മോ അയക്കില്ല.
അഡ്മിഷന് ടിക്കറ്റ് പ്രൊഫൈലില് നിന്നും ഡൗണ്ലോഡ് ചെയ്തെടുത്തു ആവശ്യമായ രേഖകള് സഹിതം അഡ്മിഷന് ടിക്കറ്റില് പരാമര്ശിച്ച ഓഫീസിലും തിയ്യതിയിലും അഭിമുഖത്തിന് എത്തണം. ഉദ്യോഗാര്ത്ഥികള് പരിഷ്കരിച്ച കെ ഫോം (Appendix-28) പിഎസ് സി വെബ്സൈറ്റില് നിന്നും ഡൗണ്ലോഡ് ചെയ്ത് പൂരിപ്പിച്ച് ഹാജരാക്കണം. അഡ്മിഷന് ടിക്കറ്റ് പ്രൊഫൈലില് ലഭ്യമായിട്ടില്ലാത്തവര് പി എസ് സി കോഴിക്കോട് ജില്ലാ ഓഫീസുമായി ബന്ധപ്പെടണം. ഫോണ്: 0495-2371971.