കോഴിക്കോട്: കേരള വനിതാ കമ്മീഷനും കോഴിക്കോട് ജില്ലാ പഞ്ചായത്തും സംയുക്തമായി സംഘടിപ്പിക്കുന്ന ‘പരിസ്ഥിതിയും സ്ത്രീ പ്രശ്നങ്ങളും’ എന്ന വിഷയത്തിലുള്ള സംസ്ഥാന സെമിനാര് നവംബര് 30ന് രാവിലെ 10ന് കോഴിക്കോട് ടൗണ് ഹാളില് നടക്കും. വനിതാ കമ്മീഷന് അധ്യക്ഷ അഡ്വ. പി സതീദേവി ഉദ്ഘാടനം ചെയ്യും.
പാരിസ്ഥിതിക പ്രശ്നങ്ങള് പലപ്പോഴും വ്യത്യസ്ത ലിംഗപദവികളെ വ്യത്യസ്തമായാണ് ബാധിക്കുന്നത്. പാരിസ്ഥിതികമായ ഏത് പ്രശ്നങ്ങളിലും സാഹചര്യങ്ങളിലും സ്ത്രീകള് പലപ്പോഴും ആനുപാതികമല്ലാത്ത ഭാരം വഹിക്കേണ്ടി വരുന്നുണ്ട്. ഈ സാഹചര്യത്തെപ്പറ്റി കൂടുതല് അറിയാനും ചര്ച്ച ചെയ്യാനുമാണ് സെമിനാര് സംഘടിപ്പിച്ചിട്ടുള്ളത്.
കോഴിക്കോട് ജില്ലാ പഞ്ചായത്ത് പ്രസിഡന്റ് ഷീജ ശശി അധ്യക്ഷത വഹിക്കും. കോഴിക്കോട് കോര്പറേഷന് മേയര് ബീനാ ഫിലിപ്പ് മുഖ്യാതിഥിയാകും. ‘സുസ്ഥിര പരിസ്ഥിതി സംരക്ഷണം: ലിംഗപദവി വികസന വീക്ഷണത്തില്’ എന്ന വിഷയം സാമൂഹ്യ ശാസ്ത്രജ്ഞയും എഴുത്തുകാരിയുമായ സി.എസ്. ചന്ദ്രിക അവതരിപ്പിക്കും. ‘പ്രകൃതി ദുരന്തങ്ങള്: സ്ത്രീപക്ഷ സമീപനം’ എന്ന വിഷയം വനിതാ കമ്മീഷന് റിസര്ച്ച് ഓഫീസര് എ.ആര്. അര്ച്ചന അവതരിപ്പിക്കും.
വനിതാ കമ്മീഷന് അംഗങ്ങളായ വി ആര് മഹിളാമണി, അഡ്വ. പി കുഞ്ഞായിഷ, മെമ്പര് സെക്രട്ടറി സോണിയ വാഷിംഗ്ടണ്, ഡയറക്ടര് ഷാജി സുഗുണന്, വികസനകാര്യ സ്ഥിരം സമിതി അധ്യക്ഷ വി പി ജമീല, ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ പി പി നിഷ, പൊതുമരാമത്ത് സ്ഥിരം സമിതി അധ്യക്ഷ കെ വി റീന, ജില്ലാ വനിതാ ശിശു വികസന ഓഫീസര് സബീന ബീഗം, കുടുംബശ്രീ ജില്ലാ മിഷന് കോ-ഓര്ഡിനേറ്റര് ആര് സിന്ധു, വനിതാ കമ്മിഷന് പ്രോജക്ട് ഓഫീസര് എന് ദിവ്യ എന്നിവര് സംസാരിക്കും.
Related Posts
ഇന്ത്യ നന്നാവാൻ ഇനി എന്ത് വേണം?
പാർലമെന്റ് തെരഞ്ഞെടുപ്പ് 2024 ഡോ. പി കെ ശശിധരൻ ജനക്ഷേമം ആഗ്രഹിക്കുന്നവർ ഒരു കാര്യം വ്യക്തമായി മനസ്സിലാക്കണം. ഇടതുപക്ഷം ഒരു അനിവാര്യതയാണ്, അവർ ഭരിച്ചാലും ഇല്ലെങ്കിലും അവർ…
1000 കോടിയിലധികം രൂപ ചെലവിട്ട് കോഴിക്കോട്ട് 12 റോഡുകളുടെ പ്രവൃത്തി ആരംഭിക്കും -മന്ത്രി മുഹമ്മദ് റിയാസ്
മാനാഞ്ചിറ-വെള്ളിമാട്കുന്ന് നാലുവരിപ്പാത ആദ്യഘട്ട ഉദ്ഘാടനവും മലാപ്പറമ്പ്-വെള്ളിമാട്കുന്ന് റോഡ് പ്രവൃത്തി ഉദ്ഘാടനവും മന്ത്രി നിർവഹിച്ചു കോഴിക്കോട്: 1000 കോടിയിലധികം രൂപ ചെലവിട്ട് കോഴിക്കോട്ട് 12 റോഡുകളുടെ നിർമാണ പ്രവൃത്തി…
എസ്എഫ്ഐ: ആദർശ് എം സജി പ്രസിഡൻ്റ്, ശ്രീജൻ ഭട്ടാചാര്യ സെക്രട്ടറി
കോഴിക്കോട്:എസ്എഫ്ഐ അഖിലേന്ത്യാ പ്രസിഡന്റായി ആദർശ് എം സജിയെയും സെക്രട്ടറിയായി ശ്രീജൻ ഭട്ടാചാര്യയെയും തെരഞ്ഞെടുത്തു. പതിനെട്ടാമത് അഖിലേന്ത്യാ സമ്മേളനമാണ് പുതിയ ഭാരവാഹികളെ തെരഞ്ഞെടുത്തത്. 87 അംഗ കേന്ദ്ര എക്സിക്യുട്ടീവ്…