കോഴിക്കോട്: കേരള സംസ്ഥാന ന്യൂനപക്ഷ കമ്മീഷന്റെയും കേരള നോളജ് മിഷന്റെയും സംയുക്താഭിമുഖ്യത്തില് ന്യൂനപക്ഷ യുവജനങ്ങള്ക്ക് ഒരുലക്ഷം തൊഴിലവസരങ്ങള് ലഭ്യമാക്കാന് ഉദ്ദേശിച്ചു നടപ്പാക്കുന്ന സമന്വയം പദ്ധതിയുടെ ജില്ലാതല ഉദ്ഘാടനം നവംബര് 30-ന് പ്രൊവിഡന്സ് ഗേള്സ് എച്ച്എസ്എസ്സില് പകല് 10-ന് നടക്കും. കലക്ടറേറ്റ് കോണ്ഫ്രന്സ് ഹാളില് ചേര്ന്ന സമന്വയം അവലോകനയോഗത്തിലാണ് തീരുമാനം. ന്യൂനപക്ഷ വിഭാഗത്തില്പ്പെട്ട 18-50 വയസ്സിനിടയില് പ്രായമുള്ള അഭ്യസ്തവിദ്യരായവര്ക്ക് സര്ക്കാരിതര മേഖലകളിലും തൊഴില് ലഭ്യമാക്കുക എന്ന ലക്ഷ്യത്തോടെ വിപുലമായ തൊഴില് രജിസ്ട്രേഷന് ക്യാമ്പാണ് സമന്വയം നടത്തുന്നത്.ന്യൂനപക്ഷ കമ്മീഷന് അംഗം പി റോസയുടെ അധ്യക്ഷതയില് ചേര്ന്ന യോഗത്തില് സിസിഎംവൈ പ്രിന്സിപ്പൽ ജമാൽ, സംഘാടക സമിതി വൈസ് ചെയര്മാന് പികെ അബ്ദുള് ലത്തീഫ്, കേരള നോളജ് ഇക്കോണമി റീജിയണൽ പ്രോഗ്രാം മാനേജര് ഡയാന തങ്കച്ചന്, ജില്ല പ്രോഗ്രാം മാനേജര് എംപി റെഫ്സീന, ജില്ലയിലെ വിവിധ ന്യൂനപക്ഷ സംഘടനാ ഭാരവാഹികള് തുടങ്ങിയവര് പങ്കെടുത്തു.ന്യൂനപക്ഷ വിഭാഗങ്ങളിലെ തൊഴില്രഹിതരായ അഭ്യസ്ത വിദ്യരായവര്ക്ക് തൊഴില്മേഖലയിലെ വെല്ലുവിളികളെ നേരിടാന് ആവശ്യമായ വൈജ്ഞാനിക/തൊഴില് പരിചയവും നൈപുണി പരിശീലനവും നല്കി യോഗ്യതയ്ക്കനുസൃതമായ ജോലി കണ്ടെത്താന് സഹായിക്കുന്നതാണ് സമന്വയം പദ്ധതി.
Related Posts
താല്ക്കാലിക ഫെസിലിറ്റേറ്റര് നിയമനം
കോഴിക്കോട്: പിന്നാക്കം നില്ക്കുന്ന പട്ടികവര്ഗ വിഭാഗത്തില്പ്പെട്ട കുട്ടികളുടെ പഠന നിലവാരം മെച്ചപ്പെടുത്തുന്നതിനും വിദ്യാര്ത്ഥികളുടെ കൊഴിഞ്ഞുപോക്കു തടയുന്നതിനും സാമൂഹ്യ പഠനമുറി പദ്ധതി നടപ്പാക്കുന്നതിന്റെ ഭാഗമായി വിവിധ പട്ടികവര്ഗ ഉന്നതികളില്…
ജോബ്ഫെസ്റ്റ് സംഘടിപ്പിച്ചു
കോഴിക്കോട്: ജില്ലാ എംപ്ലോയ്മെന്റ് എക്സ്ചേഞ്ചിന്റെയും എംപ്ലോയബിലിറ്റി സെന്ററിന്റെയും ആഭിമുഖ്യത്തില് പ്രൊവിഡന്സ് വിമന്സ് കോളേജില് സംഘടിപ്പിച്ച ജോബ്ഫെസ്റ്റ് കോളേജ് പ്രിന്സിപ്പല് ഡോ. സിസ്റ്റര് ജസീന ജോസഫ് ഉദ്ഘാടനം ചെയ്തു.…
ക്ലറിക്കല് ജോലി
കോഴിക്കോട്: പിന്നാക്ക വിഭാഗ വികസന വകുപ്പ് മുഖേന നടപ്പാക്കി വരുന്ന കേന്ദ്രാവിഷ്കൃത പദ്ധതികളുമായി ബന്ധപ്പെട്ട ക്ലറിക്കല് ജോലികള്ക്കായി ഒരു ഉദ്യോഗാര്ത്ഥിയെ വകുപ്പിന്റെ കോഴിക്കോട് മേഖല ഡെപ്യൂട്ടി ഡയറക്ടറുടെ…