കോഴിക്കോട്: ഹരിതകേരളം മിഷന്റെ നേതൃത്വത്തില് സ്കൂള് വിദ്യാര്ത്ഥികള്ക്കായി ജൈവവൈവിധ്യ പഠനോത്സവവും ക്വിസ് മത്സരവും സംഘടിപ്പിക്കുന്നു. ഇടുക്കി ജില്ലയിലെ അടിമാലിയില് ഹരിതകേരളം മിഷന് യുഎന്ഡിപി പദ്ധയിലുള്പ്പെടുത്തി സ്ഥാപിച്ച നീലക്കുറിഞ്ഞി ജൈവവൈവിധ്യ വിജ്ഞാനകേന്ദ്രത്തിന്റെ കമ്യൂണിറ്റിതല പരിപാടികളുടെ ഭാഗമായാണ് പഠനോത്സവം സംഘടിപ്പിക്കുന്നത്.
തദ്ദേശസ്വയംഭരണ സ്ഥാപനങ്ങളുടെ സഹകരണത്തോടെ ഏപ്രില് 25 ന് ബ്ലോക്ക്/കോര്പ്പറേഷന് തലത്തിലും 29-ന് ജില്ലാതലത്തിലും സംഘടിപ്പിക്കുന്ന ക്വിസ് മത്സരത്തിലെ ജില്ലാതല വിജയികളെ പങ്കെടുപ്പിച്ചാണ് മെയ് 16 മുതല് മൂന്നു ദിവസം അടിമാലിയിലും മൂന്നാറിലുമായി പഠനോത്സവ ക്യാമ്പ് സംഘടിപ്പിക്കുക. അടുത്ത അധ്യയന വര്ഷം 7, 8, 9 ക്ലാസുകളിലേക്ക് എത്തുന്ന വിദ്യാര്ത്ഥികള്ക്ക് മത്സരത്തില് പങ്കെടുക്കാം. ഫോണ്- 9544651495.
ജൈവവൈവിധ്യത്തെക്കുറിച്ചും അതിന്റെ സംരക്ഷണത്തിന്റെ പ്രാധാന്യത്തെക്കുറിച്ചുമുള്ള അവബോധം കുട്ടികളിലെത്തിക്കാന് ലക്ഷ്യമിട്ടാണ് ലോക ജൈവവൈവിധ്യ ദിനത്തോടനുബന്ധിച്ച് പഠനോത്സവവും ക്വിസ് മത്സരവും സംഘടിപ്പിക്കുന്നത്.