കോഴിക്കോട്: കോരിച്ചൊരിയുന്ന മഴ വകവെക്കാതെ തടിച്ചുകൂടിയവർക്കായി വിസ്മയച്ചുവടുകളുമായി നവ്യാ നായരും സംഘവും. ‘മാവേലിക്കസ് 2025’ ഓണാഘോഷത്തിന്റെ ഭാഗമായാണ് കോഴിക്കോട് ബീച്ചിൽ നൃത്തം അരങ്ങേറിയത്.
നവ്യ അഭിനയിച്ച നന്ദനം എന്ന സിനിമയിലെ ‘കാർമുകിൽ വർണൻ്റെ ചുണ്ടിൽ…’ എന്ന ഗാനത്തിനൊപ്പം ചുവടു വെച്ചപ്പോൾ കഴ്ച്ചക്കാർക്ക് ആസ്വാദനത്തിൻ്റെ പുത്തൻ അനുഭവമായി. കാണികൾക്ക് കഥ വിവരിച്ച് നൽകി നൃത്തരൂപം അവതരിപ്പിച്ചത് ആസ്വാദനം എളുപ്പമാക്കി.
ക്ലാസിക്കൽ, സെമി ക്ലാസിക്കൽ വിഭാഗങ്ങളിൽ അവതരണമുണ്ടായി. കന്ദന കുതുഹലം തില്ലാനയോടെയാണ് നൃത്തപരിപാടി അവസാനിച്ചത്.
വിസ്മയച്ചുവടുകളുമായി നവ്യാ നായരും സംഘവും
