സിപിഐ എം വിശാല സംസ്ഥാന സമിതി തുടങ്ങി, പൊതുചർച്ച ഇന്നും നാളെയും

കോഴിക്കോട്: സിപിഐ എമ്മിന്റെ 3 ദിവസത്തെ വിശാല സംസ്ഥാന സമിതിക്ക് കോഴിക്കോട് എ.കെ.ജി ഹാളിൽ തുടക്കമായി. ജനറൽ സെക്രട്ടറി എം.എ ബേബി ഉദ്ഘാടനം ചെയ്തു.

സംസ്ഥാന സെക്രട്ടറി എം.വി ഗോവിന്ദൻ റിപ്പോർട്ട് അവതരണം പൂർത്തിയാക്കി. സംസ്ഥാന സെക്രട്ടേറിയറ്റ് തയ്യാറാക്കിയ കരട് റിപ്പോർട്ടിന് സംസ്ഥാന സമിതിയിലെ ചർച്ചയ്ക്കു ശേഷം വീഴ്ചകൾ  പരിഷ്കരിച്ച റിപ്പോർട്ടാണ് അവതരിപ്പിച്ചത്.

റിപ്പോർട്ടിലെ പ്രധാന സ്വയംവിമർശനങ്ങൾ

– കേരളത്തിലെ പാർട്ടി അംഗങ്ങളുടെ രാഷ്ട്രീയ നിലവാരത്തിൽ വൻ തകർച്ചയുണ്ടായെന്നും അത് പരിഹരിച്ചാലേ ജനങ്ങളുടെ വിശ്വാസം വീണ്ടെടുക്കാനാകൂവെന്നും റിപ്പോർട്ട് പറയുന്നു.
– പാർട്ടിയും ജനങ്ങളും തമ്മിൽ വലിയ അകൽച്ചയുണ്ട്. കേഡർമാർ പ്രവർത്തന രംഗത്ത് ഇല്ല. കമ്മിറ്റികളിൽ പങ്കെടുക്കാൻ പോലും പലരും തയ്യാറല്ല.

പൊതുചർച്ച

റിപ്പോർട്ടിന്മേലുള്ള പൊതുചർച്ച ഇന്നും നാളെയും (ഞായർ, തിങ്കൾ) നടക്കും. 307 പ്രതിനിധികളാണ് യോഗത്തിൽ പങ്കെടുക്കുന്നത്. സംസ്ഥാന കമ്മിറ്റി അംഗങ്ങൾ, ജില്ലാ സെക്രട്ടേറിയറ്റ് അംഗങ്ങൾ, വർഗ-ബഹുജന സംഘടന പ്രതിനിധികൾ എന്നിവർ പങ്കെടുക്കുന്നു.

ചർച്ചയിൽ സംസ്ഥാന സമിതി അംഗങ്ങളെ ഒഴിവാക്കി – ജില്ലാ സെക്രട്ടേറിയറ്റ് അംഗങ്ങളും ബഹുജന സംഘടന പ്രതിനിധികളും മാത്രമേ ചർച്ചയിൽ പങ്കെടുക്കൂ എന്ന നിയന്ത്രണവും ഏർപ്പെടുത്തിയിട്ടുണ്ട്. നേതൃത്വത്തിനെതിരെ വ്യക്തിപരമായ വിമർശനം ഉയരാതിരിക്കാനാണ് ഈ നീക്കമെന്നും റിപ്പോർട്ടുകൾ ഉണ്ട്.

സമാപനം

ചൊവ്വാഴ്ച വൈകിട്ട് 4 മണിക്ക് ഒരു ലക്ഷം പേർ പങ്കെടുക്കുന്ന റാലിയോടെ സമിതിക്ക് സമാപനമാകും. തുടർന്ന് കോഴിക്കോട് കടപ്പുറത്ത് ഫ്രീഡം സ്ക്വയറിൽ നടക്കുന്ന പൊതുസമ്മേളനം എം.എ ബേബി ഉദ്ഘാടനം ചെയ്യും. പിണറായി വിജയൻ, എം.വി ഗോവിന്ദൻ തുടങ്ങിയവർ പങ്കെടുക്കും.