സിറ്റി ട്രാഫിക് പോലീസിന് കുടകൾ വിതരണം ചെയ്ത് സൈബർപാർക്ക്
കോഴിക്കോട്: കാലവർഷം കനത്തതോടെ നഗരത്തിലെ ട്രാഫിക് പോലീസ് ഉദ്യോഗസ്ഥർക്ക് ഗവ.സൈബർപാർക്കിൻ്റെ ആഭിമുഖ്യത്തിൽ കുടകൾ വിതരണം ചെയ്തു.
സൈബർപാർക്കിനെ പ്രതിനിധീകരിച്ച് അസിസ്റ്റന്റ് ജനറൽ മാനേജർ (അഡ്മിനിസ്ട്രേഷൻ) അധികാരത്ത് ബിജേഷ്, അസിസ്റ്റന്റ് ഓഫീസർ (അഡ്മിനിസ്ട്രേഷൻ & ക്ലയന്റ് സർവീസ്), വിനീഷ് നായർ എന്നിവർ കോഴിക്കോട് സിറ്റി ട്രാഫിക് പോലീസ് ഉദ്യോഗസ്ഥർക്ക് കുടകൾ കൈമാറി.
പ്രതികൂല കാലാവസ്ഥയിലും പൊതുജനങ്ങളുടെ സുരക്ഷയ്ക്കായി നിരത്തിൽ നിലകൊള്ളുന്ന ട്രാഫിക് ജീവനക്കാർക്ക് ഐക്യദാർഢ്യം പ്രകടിപ്പിക്കുന്നതാണ് ഇത്തരമൊരു സാമൂഹിക പ്രതിബദ്ധതാ പ്രവർത്തനമെന്ന് ഗവ. സൈബർപാർക്ക് അധികൃതർ വ്യക്തമാക്കി.
