പോളിങ്ഡ്യൂട്ടി: പരിശീലനത്തില് പങ്കെടുക്കാനാവാത്തവര്ക്ക് ഏപ്രില് ആറിന് ഒരവസരം കൂടി
കോഴിക്കോട്: ജില്ലയില് പോളിങ്ഡ്യൂട്ടിക്ക് നിയോഗിക്കപ്പെട്ട ജീവനക്കാരില് രണ്ടാംഘട്ട പരിശീലനത്തില് പങ്കെടുക്കാന് കഴിയാത്തവര്ക്കുള്ള പരിശീലനം ഏപ്രില് ആറിന് നടക്കുമെന്ന് ജില്ലാ തിരഞ്ഞെടുപ്പ് ഓഫീസര് കൂടിയായ കലക്ടര് സ്നേഹില് കുമാര് സിങ് അറിയിച്ചു. രാവിലെ 9.30 മുതല് നിലവിലെ പരിശീലന കേന്ദ്രങ്ങളില് തന്നെയാണ് പരിശീലനം. രണ്ടാംഘട്ട പരിശീലനത്തില് പങ്കെടുക്കാന് കഴിയാത്ത എല്ലാ പോളിങ് ഉദ്യോഗസ്ഥരും ഇതില് നിര്ബന്ധമായും പങ്കെടുക്കണമെന്ന് കലക്ടര് അറിയിച്ചു.