സമാപന സമ്മേളനം മന്ത്രി മുഹമ്മദ് റിയാസ് ഉദ്ഘാടനം ചെയ്യും
കോഴിക്കോട്: വെള്ളിയാഴ്ച കോടഞ്ചേരി പഞ്ചായത്തിലെ പുലിക്കയത്ത് ആരംഭിച്ച മലബാര് റിവര് ഫെസ്റ്റിവലിന് നാളെ (ജൂലൈ 27) പുല്ലൂരാംപാറയില് സമാപനം. സമാപന സമ്മേളനത്തിന്റെ ഉദ്ഘാടനവും വിജയികള്ക്കുള്ള സമ്മാനദാനവും ടൂറിസം-പൊതുമരാമത്ത് മന്ത്രി പി എ മുഹമ്മദ് റിയാസ് നിര്വഹിക്കും. കേരള ടൂറിസം വകുപ്പിന്റെ ആഭിമുഖ്യത്തില് കേരള അഡ്വഞ്ചര് ടൂറിസം പ്രമോഷന് സൊസൈറ്റി, ജില്ലാ ടൂറിസം പ്രമോഷന് കൗണ്സില്, ത്രിതല പഞ്ചായത്തുകള് എന്നിവ ഇന്ത്യന് കയാക്കിങ് ആന്ഡ് കനോയിങ് അസോസിയേഷന്റെ സാങ്കേതിക സഹായത്തോടെയാണ് ഇരിവഴിഞ്ഞിപ്പുഴയിലും ചാലിപ്പുഴയിലുമായി അന്താരാഷ്ട്ര വൈറ്റ് വാട്ടര് കയാക്കിങ് മത്സരമായ മലബാര് റിവര് ഫെസ്റ്റിവല് 11ാം എഡിഷന് സംഘടിപ്പിച്ചത്.
സമാപന പരിപാടിയില് പ്രിയങ്ക ഗാന്ധി എംപി, ലിന്റോ ജോസഫ് എംഎല്എ, ജില്ലാ പഞ്ചായത്ത് പ്രസിഡന്റ് ഷീജ ശശി, ജില്ലാ കലക്ടര് സ്നേഹില് കുമാര് സിങ്, വിവിധ പഞ്ചായത്ത് പ്രസിഡന്റുമാര് എന്നിവര് പങ്കെടുക്കും. തുടര്ന്ന് മര്സി മ്യൂസിക് ബാന്ഡിന്റെ കലാപരിപാടികളും അരങ്ങേറും.
