ഇന്ന് റാപ്പർ ദേവരശൻ്റെപാട്ടും പറച്ചിലും

കോഴിക്കോട്: റാപ്പർ ദേവരശൻ (എരി) പാട്ടും പറച്ചിലുമായി ഇന്ന് കാരപ്പറമ്പിൽ. കവിയും ഗാനരചയിതാവുമായിരുന്ന രാധാമോഹനൻ്റെ രണ്ടാം ചരമവാർഷിക ദിനാചരണത്തിൻ്റെ ഭാഗമായാണ് ദേവരശൻ റാപ്പുമായെത്തുന്നത്. വൈകീട്ട് 5ന് ഗവ. ഹയർ സെക്കൻഡറി സ്കൂളിൽ സിനിമ – നാടക കലാകാരൻ ടി സുരേഷ് ബാബു ഉദ്ഘാടനം നിർവഹിക്കും. ആർ വി എം ദിവാകരൻ, ഹേമന്ത് കുമാർ, എ കെ രമേശ് എന്നിവർ സംസാരിക്കും. കുഞ്ഞൻ ചേളന്നൂരും ശശി പൂക്കാടും ഫ്യൂഷൻ സംഗീതം അവതരിപ്പിക്കും.