യോഗ സര്ട്ടിഫിക്കറ്റ് പ്രോഗ്രാം
കോഴിക്കോട്: സ്റ്റേറ്റ് റിസോഴ്സ് സെന്റർ ആഭിമുഖ്യത്തിലുളള എസ്ആര്സി കമ്മ്യൂണിറ്റി കോളേജ് ജൂലൈയില് നടത്തുന്ന യോഗ സര്ട്ടിഫിക്കറ്റ് പ്രോഗ്രാമിന് ഓണ്ലൈനായി അപേക്ഷ ക്ഷണിച്ചു. പത്താം ക്ലാസ് പാസായവര്ക്ക് അപേക്ഷിക്കാം. യോഗ ദര്ശനത്തിലും യോഗാസന, പ്രാണായാമ പദ്ധതികളിലും സാമാന്യ ജ്ഞാനം ലഭിക്കുന്ന തരത്തിലാണ് പഠന പരിപാടി ചിട്ടപ്പെടുത്തിയിട്ടുളളത്.
പൊതുഅവധി ദിവസങ്ങളില് സംഘടിപ്പിക്കുന്ന സമ്പര്ക്ക (പ്രായോഗിക പരിശീലനം) ക്ലാസ്സുകള്, ഓരോ വിഷയത്തിലും തയ്യാറാക്കിയിട്ടുള്ള സ്വയം പഠന സഹായികള്, നേരിട്ടും ഓണ്ലൈനിലുമായി നടക്കുന്ന തിയറി ക്ലാസ്സുകള് എന്നീ മാര്ഗങ്ങളിലൂടെയാണ് പഠനം. എഴുത്തു പരീക്ഷകള്, അസൈന്മെന്റുകള്, പ്രോജക്ട്, പ്രാക്ടിക്കല് പരീക്ഷകള് എന്നീ മാര്ഗ്ഗങ്ങളിലൂടെയാണ് പ്രോഗ്രാമിന്റെ മൂല്യനിര്ണയം. പ്രോഗ്രാം വിജയകരമായി പൂര്ത്തിയാക്കുന്നതിന് 70% ഹാജര് വേണം. അപേക്ഷകര് 17 വയസ്സ് പൂര്ത്തിയാക്കിയിരിക്കണം. ഉയര്ന്ന പ്രായപ രിധിയില്ല. സര്ട്ടിഫിക്കറ്റ് പ്രോഗ്രാം വിജയകരമായി പൂര്ത്തിയാക്കിയവര്ക്ക് പ്ലസ് ടു യോഗ്യതയുള്ള പക്ഷം യോഗ ഡിപ്ലോമ ടീച്ചര് ട്രെയിനിംഗ് പ്രോഗ്രാം ലാറ്ററല് എന്ട്രി വഴി ആറുമാസത്തെ പഠനം കൊണ്ട് പൂര്ത്തിയാക്കാം.
ആപ്ലിക്കേഷന് ഓണ്ലൈനായി നൽകുന്നതിന് https://app.srccc.in/register എന്ന ലിങ്കിലൂടെ കഴിയും. അപേക്ഷ ലഭിക്കേണ്ട അവസാന തീയതി ജൂണ് 30. ഫോണ്: 0471-2325101, 8281114464. വിശദാംശങ്ങള് www.srccc.in വെബ്സൈറ്റിൽ. കോഴിക്കോട് ജില്ലയിലെ പഠന കേന്ദ്രം:
ഫ്രന്ഡ്സ് ഓഫ് യോഗ അക്കാദമി, ഉദയം, ഏറാമല പി.ഒ, ഓര്ക്കാട്ടേരി, വടകര, ഫോണ്: 9497646712.