എമർജൻസി മെഡിസിൻ നേഴ്സിങ് പ്രാക്ടിക്കൽ ട്രെയിനിങ്

കോഴിക്കോട്: ഗവ. മെഡിക്കൽ കോളേജ് ആശുപത്രിയിൽ എമർജൻസി മെഡിസിൻ വിഭാഗം നടത്തുന്ന ഒരു വർഷത്തെ എമർജൻസി മെഡിസിൻ നേഴ്സിങ് പ്രാക്ടിക്കൽ ട്രെയിനിങ് പ്രോഗ്രാമിലേക്ക് ബി എസ് സി നേഴ്സിങ്/ ജി എൻ എം നേഴ്സിങ് കോഴ്സുകൾ പാസായവരെ ജൂലൈ 31ന് രാവിലെ 11ന് എച്ച്ഡിഎസ് ഓഫീസിൽ നടത്തുന്ന ഇൻ്റർവ്യൂവിന് ക്ഷണിച്ചു. ഒരുവർഷം നീളുന്ന പ്രോഗ്രാമിലേക്ക് തെരഞ്ഞെടുക്കപ്പെടുന്ന നേഴ്സുമാർക്ക് ആദ്യത്തെ ആറുമാസം മൂവായിരം രൂപ സ്റ്റൈപ്പൻ്റോടുകൂടിയ ട്രെയിനിങ്ങും പിന്നീടുള്ള ആറുമാസം ഏഴായിരം രൂപ സ്റ്റൈപ്പൻ്റോടുകൂടിയ ട്രെയിനിങ്ങും ആയിരിക്കും.