മെഡിക്കൽ കോളേജിൽ നഴ്‌സിംഗ് ഓഫീസർ നിയമനം

കോഴിക്കോട്: ഗവ.മെഡിക്കൽ കോളേജ് ആശുപത്രിയിൽ, ആശുപത്രി വികസന സൊസൈറ്റിയുടെ കീഴിൽ നഴ്‌സിംഗ് ഓഫീസർ താത്കാലിക തസ്തികയിലേക്ക് ഒരു വർഷത്തെ കരാറാടിസ്ഥാനത്തിൽ നിയമനം നടത്തുന്നതിനായി യോഗ്യരായ ഉദ്യോഗാർഥികളിൽ നിന്നും അപേക്ഷ ക്ഷണിച്ചു. യോഗ്യത: പ്ലസ് ടു, ജനറൽ നഴ്‌സിംഗ് ആന്റ് മിഡ്വൈഫറി/ ബി.എസ്.സി നഴ്‌സിംഗ്. കേരള നഴ്സസ് ആന്റ് മിഡ്വൈവ്സ് കൗൺസിൽ രജിസ്ട്രേഷൻ നിർബന്ധം. പ്രായപരിധി: 18-36. ഉദ്യോഗാർത്ഥികൾ ആശുപത്രി വികസന സൊസൈറ്റി ഓഫീസിൽ പ്രവൃത്തി ദിവസങ്ങളിൽ നേരിട്ടോ 0495-2355900 എന്ന ഫോൺ നമ്പറിൽ വിളിച്ചോ ഡിസംബർ 27ന് വൈകിട്ട് അഞ്ചിനു മുമ്പായി രജിസ്റ്റർ ചെയ്യേണ്ടതാണ്. രജിസ്റ്റർ ചെയ്ത ഉദ്യോഗാർത്ഥികൾക്ക് ജനുവരി ഒമ്പതിന് രാവിലെ 11 ന് കൂടിക്കാഴ്ച്ച/എഴുത്ത് പരീക്ഷ നടത്തി അന്തിമ ചുരുക്കപ്പട്ടിക തയ്യാറാക്കി നിയമനം നടത്തുമെന്ന് സെക്രട്ടറി അറിയിച്ചു.