സബ് ജൂനിയർ വോളിബോൾ ചാമ്പ്യൻഷിപ്: ബാലാവകാശ കമ്മീഷൻ റിപ്പോർട്ട് തേടി

കോഴിക്കോട്: നിയമവിരുദ്ധമായി സംസ്ഥാന വോളിബോൾ അസോസിയേഷൻ ഡിസംബർ 26 മുതൽ 28 വരെ വയനാട്, കോഴിക്കോട് ജില്ലകളിൽ സംസ്ഥാന സബ്ജൂനിയർ വോളിബോൾ ചാമ്പ്യൻഷിപ് സംഘടിപ്പിക്കുന്നതായ പരാതിയിൽ സംസ്ഥാന ബാലാവകാശ കമ്മീഷൻ ചെയർപേഴ്സൺ കെ വി മനോജ്കുമാർ റിപ്പോർട്ട് തേടി. സംസ്ഥാന വോളിബോൾ ടെക്നിക്കൽ കമ്മിറ്റി നൽകിയ പരാതിയിന്മേലാണ് കമ്മീഷൻ റിപ്പോർട്ട് തേടിയത്. സംസ്ഥാന വോളിബോൾ അസോസിയേഷൻ സെക്രട്ടറി, സംസ്ഥാന സ്പോർട്സ് കൗൺസിൽ സെക്രട്ടറി, വയനാട്, കോഴിക്കോട് ജില്ലാ പൊലീസ് മേധാവികൾ എന്നിവരോട് പരിപാടിയുടെ സംഘവുമായി ബന്ധപ്പെട്ട് അടിയന്തര റിപ്പോർട്ടാണ് കമ്മീഷൻ തേടിയത്.