കോഴിക്കോട്: ജില്ലയിൽ നിലവിൽ നിപ സമ്പർക്ക പട്ടികയിലുള്ളത് 114 പേരെന്ന് ആരോഗ്യ മന്ത്രി വീണാ ജോര്ജ്.
സംസ്ഥാനത്ത് 497 പേരാണ് സമ്പര്ക്കപ്പട്ടികയിലുള്ളത്. മലപ്പുറം 203, പാലക്കാട് 178, എറണാകുളം 2 എന്നിങ്ങനെയാണ് മറ്റു ജില്ലകളിൽ സമ്പര്ക്കപ്പട്ടികയിലുള്ളവർ.
മലപ്പുറത്ത് 10 പേരാണ് ചികിത്സയിലുള്ളത്. ഒരാള് ഐസിയു ചികിത്സയിലുണ്ട്. ഇതുവരെ 62 സാമ്പിളുകള് നെഗറ്റീവ് ആയിട്ടുണ്ട്. പാലക്കാട് 5 പേര് ഐസൊലേഷനില് ചികിത്സയിലാണ്. 5 പേരെ ഡിസ്ചാര്ജ് ചെയ്തു. സംസ്ഥാനത്ത് ആകെ 14 പേര് ഹൈയസ്റ്റ് റിസ്കിലും 82 പേര് ഹൈ റിസ്ക് വിഭാഗത്തിലും നിരീക്ഷണത്തിലാണ്. കേന്ദ്ര സംഘം മലപ്പുറം, പാലക്കാട് ജില്ലകള് സന്ദര്ശിച്ചു.
മന്ത്രി വീണാ ജോര്ജിന്റെ നേതൃത്വത്തില് ചേര്ന്ന ഉന്നതതല യോഗത്തിൽ ആരോഗ്യ വകുപ്പ് അഡീഷണല് ചീഫ് സെക്രട്ടറി, എന്.എച്ച്.എം സ്റ്റേറ്റ് മിഷന് ഡയറക്ടര്, ആരോഗ്യ വകുപ്പ് ഡയറക്ടര്, മെഡിക്കല് വിദ്യാഭ്യാസ വകുപ്പ് ഡയറക്ടര്, അഡീഷണല് ഡയറക്ടര്മാര്, ജില്ലാ കളക്ടര്മാര്, ജില്ലാ മെഡിക്കല് ഓഫീസര്മാര്, പോലീസ് ഉദ്യോഗസ്ഥര്, വിവിധ വകുപ്പ് ഉദ്യോഗസ്ഥര് എന്നിവര് പങ്കെടുത്തു.
