കോഴിക്കോട്: ഭരണഘടനാസംരക്ഷണ സമിതിയുടെ ആഭിമുഖ്യത്തിൽ മാർച്ച് 22 ന് കോഴിക്കോട് കടപ്പുറത്ത് നടക്കുന്ന പൗരത്വ സംരക്ഷണറാലിയിൽ ഒരു ലക്ഷം പേരെ അണിനിരത്തും. രാജ്യത്ത് വളർന്നുവരുന്ന സിഎ എ വിരുദ്ധ പ്രക്ഷോഭങ്ങൾക്ക് കരുത്ത് പകരുന്ന ബഹുജനമുന്നേറ്റമായി റാലിയെ മാറ്റാനുള്ള സംഘാടന പ്രവർത്തനങ്ങളാണ് നടക്കുന്നത്.
മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. റാലിയിൽ എളമരം കരീം എം പി അധ്യക്ഷത വഹിക്കും. മന്ത്രി മുഹമ്മദ് റിയാസ്, മന്ത്രി എ കെ ശശീന്ദ്രൻ, മേയർ ഡോ. ബീനാഫിലിപ്പ്, വിവിധ സാമൂഹ്യ സംഘടനകളെ പ്രതിനിധീകരിച്ച് ടി പി അബ്ദുള്ള കോയ മദനി, സി മുഹമ്മദ് ഫൈസി, മുസ്തഫ മുണ്ടുപാറ, ഡോ. ഫസൽ ഗഫൂർ, ഡോ. ഐ പി അബ്ദുൾ സലാം, കെ രാമഭദ്രൻ തുടങ്ങിയവർ പങ്കെടുക്കും. പി മോഹനൻ, ശ്രേയാംസ്കുമാർ, കെ കെ ബാലൻ മാസ്റ്റർ, സി കെ നാണു, മുക്കം മുഹമ്മദ്, പി ടി എ റഹിം എംഎൽഎ, അഹമ്മദ് ദേവർ കോവിൽ എംഎൽഎ, ഡോ: അബ്ദുൾ വഹാബ്, ടി എം ജോസഫ്, സാലിഹ് കൂടത്തായി, അഡ്വ. ബാബു ബെനഡിക്ട്, വി ഗോപാലൻ മാസ്റ്റർ, കെ കെ അബ്ദുള്ള തുടങ്ങിയവരും കെ പി രാമനുണ്ണി, ഡോ. ഖദീജമുംതാസ്, അജിത, തുടങ്ങി സാംസ്കാരിക രംഗത്തെ പ്രമുഖരും പങ്കെടുക്കും.
പൗരത്വറാലി 22 ന്; ലക്ഷം പേർ അണിചേരും
