ക്രിസ്മസിന് ചെന്നൈ – കോഴിക്കോട് വന്ദേ ഭാരത്

ക്രിസ്മസ് പ്രമാണിച്ച് സ്‌പെഷ്യൽ വന്ദേഭാരത്. ഡിസംബർ 25ന് ചെന്നൈയിൽ നിന്ന് കോഴിക്കോട് വരെയാണ് സ്‌പെഷ്യൽ വന്ദേഭാരതിന്റെ സർവീസ്. യാത്രക്കാരുടെ തിരക്ക് പരിഗണിച്ചാണ് റെയിൽവേയുടെ തീരുമാനം. പുലർച്ചെ 4.30ന് ചെന്നൈയിൽ നിന്ന് പുറപ്പെട്ട് ഉച്ചയ്ക്കുശേഷം 3.30ന് കോഴിക്കോട് എത്തുന്ന നിലയിലാണ് സമയക്രമം. ശബരിമല തീർഥാടകർക്കായി ചെന്നൈയിൽ നിന്ന് കോട്ടയത്തേക്കും തിരിച്ചും സ്‌പെഷ്യൽ വന്ദേഭാരത് സർവീസ് നടത്തുന്നുണ്ട്.