കോഴിക്കോട്: പുതിയ അധ്യയന വര്ഷത്തില് പുനരുപയോഗത്തിന്റെ സന്ദേശവുമായി ജില്ലാ ഭരണകൂടത്തിന്റെ സഹകരണത്തോടെ ജില്ലാ ശുചിത്വ മിഷന് ‘റീയൂസ് ഹീറോസ്; ദ റിയല് ഹീറോസ്’ ക്യാമ്പയിന് തുടക്കമിട്ടു. വിദ്യാര്ഥികളില് പുനരുപയോഗ ശീലം വളര്ത്തുക, പ്രകൃതി വിഭവങ്ങളുടെ അമിതോപയോഗവും മാലിന്യ നിര്മാര്ജ്ജനമാവും ഉറപ്പ് വരുത്തുക എന്നിവ ലക്ഷ്യമിട്ടാണ് ക്യാമ്പയിന് സംഘടിപ്പിക്കുന്നത്. പുതിയ ബാഗ്, കുട, ചെരുപ്പ്, യൂണിഫോം എന്നിവ ഉപയോഗിക്കുന്നതാണ് അഭിമാനമെന്ന ധാരണ മാറ്റി, പഴയ വസ്തുക്കള് പുനരുപയോഗിക്കുന്ന കുട്ടികളെ കണ്ടെത്തി അഭിനന്ദിക്കുകയും സമ്മാനങ്ങള് നല്കുകയും മറ്റുള്ളവരെ ഈ പാതയിലേക്ക് നയിക്കുകയും ചെയ്യുന്നതാണ് ക്യാമ്പയിന്.
ക്യാമ്പയിന്റെ ഭാഗമായി പുനരുപയോഗ വസ്തുക്കളുമായി വിദ്യാലയങ്ങളില് എത്തുന്ന വിദ്യാര്ഥികള്ക്ക് ”എ പോസിറ്റീവ് സാക്ഷ്യപത്രം” നല്കും. ഇതിനായി വിദ്യാര്ഥികള് വസ്തുക്കളോടൊപ്പമുള്ള ഫോട്ടോ അപ്ലോഡ് ചെയ്യണം. പുനരുപയോഗത്തിന്റെ പ്രാധാന്യം അംഗീകരിച്ച് ഭാവിയില് ഈ ആശയത്തിന്റെ ഭാഗമാകുമെന്ന് അറിയിക്കുന്നവര്ക്ക് ”ബി പോസിറ്റീവ്” സാക്ഷ്യപത്രവും ലഭിക്കും. ഓണ്ലൈനായാണ് സാക്ഷ്യപത്രങ്ങള് വിതരണം ചെയ്യുക. ഏറ്റവും കൂടുതല് വിദ്യാര്ഥികളെ ക്യാമ്പയിനില് പങ്കെടുപ്പിക്കുന്ന സ്കൂള്, അധ്യാപകര്, മികവാര്ന്ന പ്രചാരണ പ്രവര്ത്തനങ്ങള് നടത്തുന്ന വിദ്യാര്ഥികള് എന്നിവര്ക്കായി ജില്ലാ തലത്തില് പ്രത്യേക പുരസ്കാരവും ഏര്പ്പെടുത്തിയിട്ടുണ്ട്. ക്യാമ്പയിനില് പങ്കെടുക്കാന് https://suchitwamissionkozhikode.in വെബ് പോര്ട്ടലില് വിവരങ്ങള് രജിസ്റ്റര് ചെയ്യണം.
Related Posts
പത്താംതരം തുല്യതാ പരീക്ഷ നാളെ മുതല്; ജില്ലയില് 547 പേര് പരീക്ഷയെഴുതും
കോഴിക്കോട്: സംസ്ഥാന സാക്ഷരതാ മിഷന് പൊതുവിദ്യാഭ്യാസ വകുപ്പുമായി ചേര്ന്ന് നടത്തുന്ന പത്താംതരം തുല്യതാ കോഴ്സ് 18-ാം ബാച്ചിന്റെ പൊതുപരീക്ഷ നാളെ (നവംബര് 8) തുടങ്ങും. ജില്ലയില് 409…
ഡിജിറ്റല് സാക്ഷരത നേടിയവരുടെ തുടര്പഠനത്തിന് ‘ഉല്ലാസ്’ പദ്ധതി
ആദ്യ ഘട്ടം 7 തദ്ദേശ സ്ഥാപനങ്ങളിൽ കോഴിക്കോട്: തദ്ദേശസ്വയംഭരണ സ്ഥാപനങ്ങള് നടപ്പാക്കിയ ഡിജി കേരളം പദ്ധതി വഴി പുതുതായി സ്മാര്ട്ട്ഫോണ് ഉപയോഗിക്കാന് പഠിച്ച നവ സാക്ഷരര്ക്ക്, ഡിജിറ്റല്…
സൗജന്യ കമ്പ്യൂട്ടര് പരിശീലനം
കോഴിക്കോട്: ജില്ലാ നൈപുണ്യ വികസന കേന്ദ്രത്തില് ക്രിസ്മസ് വെക്കേഷനില് ഹൈസ്കൂള് വിദ്യാർത്ഥികൾക്ക് അഞ്ച് ദിവസത്തെ സൗജന്യ കമ്പ്യൂട്ടര് പരിശീലനം നൽകും. വേഡ്, എക്സല്, പവര്പോയിന്റ്, ഇന്റര്നെറ്റ് ആപ്ലിക്കേഷന്സ്…