സംരംഭകർക്ക് ഹെൽപ് ഡെസ്ക്

കോഴിക്കോട്: സംരംഭക വര്‍ഷം പദ്ധതിയുടെ ഭാഗമായി സൂക്ഷ്മ-ചെറുകിട-ഇടത്തരം വ്യവസായ സംരംഭങ്ങള്‍ക്ക് ആവശ്യമായ വിവിധ സേവനങ്ങളും ഉപദേശങ്ങളും നല്‍കാന്‍ സൗജന്യ ഹെൽപ് ഡെസ്‌ക് ആരംഭിച്ചു. എം.എസ്.എം.ഇകളുടെയും സ്റ്റാര്‍ട്ടപ്പുകളുടെയും ശേഷി വര്‍ദ്ധിപ്പിക്കുക എന്ന ലക്ഷ്യം മുന്‍നിര്‍ത്തി ടാക്‌സ്, ഫിനാന്‍സ്, ഓഡിറ്റ് എന്നീ വിഷയങ്ങളില്‍ വരുന്ന സംരംഭകരുടെ പ്രശ്‌നങ്ങള്‍ പരിഹരിക്കുന്നതിനായാണ് ഹെൽപ് ഡെസ്‌ക് ആരംഭിച്ചത്. ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്‍സ് ഓഫ് ഇന്ത്യ ജില്ലാ വ്യവസായ കേന്ദ്രവുമായി ചേര്‍ന്ന് ആരംഭിച്ച ഹെല്‍പ്പ് ഡെസ്‌ക് എല്ലാ മാസവും ആദ്യത്തെ ശനിയാഴ്ച പകല്‍ 11 മുതല്‍ ഒരു മണി വരെ പ്രവര്‍ത്തിക്കും. ഈ വര്‍ഷത്തെ ആദ്യ സിറ്റിംഗ് ജനുവരി ആറിന് പ്ലാനിറ്റോറിയത്തിന് സമീപം ഐ.സി.എ.ഐ ഓഫീസില്‍ നടക്കും. കൂടുതല്‍ വിവരങ്ങള്‍ക്ക് 0495-2770124.