വോട്ടർ പട്ടികയിൽ പേര് ചേർക്കാം

കോഴിക്കോട്: പ്രത്യേക വോട്ടർ പട്ടിക പുതുക്കൽ യജ്ഞം 2024 മായി ബന്ധപ്പെട്ട റിവിഷൻ പ്രവർത്തനങ്ങളുടെ ഭാഗമായി പ്രത്യേക ക്യാമ്പയിൻ നവംബർ 25, 26, ഡിസംബർ രണ്ട്, മൂന്ന് തിയ്യതികളിൽ താലൂക്ക്/വില്ലേജ് തലങ്ങളിൽ സംഘടിപ്പിക്കും. പ്രസ്തുത ക്യാമ്പയിനിൽ എല്ലാ വോട്ടർമാർക്കും ആവശ്യമെങ്കിൽ കരട് വോട്ടർ പട്ടിക പരിശോധിക്കാൻ അവസരമുണ്ടായിരിക്കും. അപാകതകൾ വല്ലതുമുണ്ടെങ്കിൽ പരിഹരിക്കുന്നതിനും 17 വയസ്സ് പൂർത്തിയായ എല്ലാവർക്കും വോട്ടർ പട്ടികയിൽ പേര് ചേർക്കുന്നതിനുമുള്ള സൗകര്യവും ഉണ്ടായിരിക്കും.