കോഴിക്കോട്: ലോക മണ്ണ് ദിനാചരണത്തിന്റെ ജില്ലാതല ഉദ്ഘാടനം ഡിസംബർ 5 ന് പെരുമണ്ണ ഗ്രാമപഞ്ചായത്തിൽ പി ടി എ റഹീം എംഎൽഎ നിർവഹിക്കും. പെരുമണ്ണ ഗ്രാമപഞ്ചായത്ത് പ്രസിഡന്റ് ഷാജി പുത്തലത്ത് അധ്യക്ഷത വഹിക്കും. ഗ്രാമപഞ്ചായത്തിലെ കർഷകർക്കുള്ള സോയിൽ ഹെൽത്ത് കാർഡ് വിതരണം ജില്ലാ പഞ്ചായത്തംഗം രാജീവ് പെരുമൺപുറ നിർവഹിക്കും. കുന്നമംഗലം ബ്ലോക്ക് പഞ്ചായത്ത് പ്രസിഡന്റ് അരിയിൽ അലവി മുഖ്യപ്രഭാഷണം നടത്തും.
ലോകമണ്ണ് ദിനത്തോടനുബന്ധിച്ച് സ്കൂൾ വിദ്യാർത്ഥികളിൽ അവബോധം സൃഷ്ടിക്കുന്നതിനായി എൽപി/യുപി/എച്ച്എസ് തലത്തിലുള്ള വിദ്യാർത്ഥികൾക്കായി നവംബർ 25 നു നടത്തിയ ക്വിസ്, ചിത്രരചന മത്സരത്തിൽ പങ്കെടുത്ത വിദ്യാർത്ഥികൾക്കുള്ള സമ്മാനദാനവും ചടങ്ങിൽ നിർവഹിക്കും. കർഷകർക്കായി മണ്ണ് ജലസംരക്ഷണ മാർഗങ്ങൾ’ എന്ന വിഷയത്തിൽ റിട്ടയേർഡ് ജില്ലാ മണ്ണ് സംരക്ഷണ ഓഫീസർ പി യു ദാസ്, “വിളകളിലെ മൂലക അപര്യാപ്തത ലക്ഷണങ്ങളും പരിഹാര മാർഗ്ഗങ്ങളും” എന്ന വിഷയത്തിൽ മേഖലാ മണ്ണ് പരിശോധനാ കേന്ദ്രം റിസർച്ച് അസിസ്റ്റന്റ് ധന്യ ബാലഗോപാൽ എന്നിവർ ക്ലാസെടുക്കും. സൗജന്യ മണ്ണ് പരിശോധനയ്ക്കായുള്ള സാമ്പിളുകളും ഇവിടെ സ്വീകരിക്കും