കോഴിക്കോട്: പുതിയങ്ങാടി വെസ്റ്റ്ഹിൽ 72, 74 വാർഡ് കേന്ദ്രീകരിച്ച് മയക്കുമരുന്ന് വിരുദ്ധ പ്രതിരോധ കൂട്ടായ്മ രൂപീകരിച്ചു. വിവിധ രാഷ്ട്രീയ സാമൂഹ്യ സാംസ്കാരിക, ക്ഷേത്ര, മസ്ജിദ് കമ്മിറ്റി അംഗങ്ങൾ അടക്കം നിരവധി പേർ പുതിയങ്ങാടി കോയാറോഡ് ജിഎംയുപി സ്കൂളിൽ ചേർന്ന യോഗത്തിൽ പങ്കെടുത്തു. ഹെഡ് മാസ്റ്റർ ടി അശോക് കുമാർ ഉദ്ഘാടനം ചെയ്തു. എം കെ അസ് കർ അദ്ധ്യക്ഷത വഹിച്ചു. ടി പി സമീർ സ്വാഗതം പറഞ്ഞു. കൗൺസിലർ പി പ്രസീന ക്യാമ്പയിൻ ലോഗോ പ്രകാശനം ചെയ്തു. കൗൺസിലർ എം കെ മഹേഷ് മുഖ്യ പ്രഭാഷണം നടത്തി. മുൻ കൗൺസിലർ കെ സു ബൈർ, പി കെ ഗണേഷൻ, എസ് വി ഷൗലിക്, ടി പി യൂനുസ്, ടി പി അംബിക, കെ പി ആരിഫ്, മനോജ് പള്ളിക്കണ്ടി,എൻ പി മുഹമ്മദലി , പി കെ സാബിത്ത്, എം കെ സർജാസ്, പി കെ ശംസുദ്ധീൻ, കെ ടി അക്ബർ, എം കെ റഊഫ് എന്നിവർ സംസാരിച്ചു.
