പഠനകിറ്റിന് അപേക്ഷിക്കാം

കോഴിക്കോട്: കേരള കള്ള് വ്യവസായ തൊഴിലാളി ക്ഷേമനിധിയില്‍ രജിസ്റ്റര്‍ ചെയ്ത അംഗങ്ങളുടെ മക്കള്‍ക്കുള്ള പഠനകിറ്റിന് അപേക്ഷ ക്ഷണിച്ചു. 2026-27 വര്‍ഷം സര്‍ക്കാര്‍/എയ്ഡഡ്, അണ്‍ എയ്ഡഡ് സ്‌കൂളുകളില്‍ ഒന്ന് മുതല്‍ ഏഴ് വരെ ക്ലാസുകളില്‍ പഠിക്കുന്നവര്‍ക്ക് അപേക്ഷിക്കാം. വിദ്യാര്‍ഥി ഏത് ക്ലാസില്‍ പഠിക്കുന്നുവെന്ന് വ്യക്തമാക്കുന്ന സ്ഥാപന മേധാവിയുടെ സര്‍ട്ടിഫിക്കറ്റ് അപേക്ഷയോടൊപ്പം ഹാജരാക്കണം. സര്‍ട്ടിഫിക്കറ്റില്‍ രക്ഷിതാവിന്റ പേര് രേഖപ്പെടുത്തണം. ആവശ്യമായ രേഖകള്‍ സഹിതമുള്ള അപേക്ഷ മെയ് 15നകം കോഴിക്കോട് വെല്‍ഫയര്‍ ഫണ്ട് ഇന്‍സ്പെക്ടര്‍ ഓഫീസില്‍ സമര്‍പ്പിക്കണം. അപേക്ഷാ ഫോം വെല്‍ഫയര്‍ ഫണ്ട് ഇന്‍സ്പെക്ടര്‍ ഓഫീസിലും യൂണിയന്‍ ഓഫീസിലും ലഭിക്കും. ഫോണ്‍: 0495 2384355.